សប្បាយៗ ទ័ព មានគម្រោងធ្វើការប្រគំតន្ត្រីរាល់ប្រកួតសំខាន់ៗរបស់ខ្លួន
- 2017-02-23 08:22:21
- ចំនួនមតិ 0 | ចំនួនចែករំលែក 0
សប្បាយៗ ទ័ព មានគម្រោងធ្វើការប្រគំតន្ត្រីរាល់ប្រកួតសំខាន់ៗរបស់ខ្លួន
ចន្លោះមិនឃើញ
ក្រុមក្រសួងការពារជាតិនឹងមានរៀបចំការប្រគំតន្ត្រីនៅពេលប្រកួតធំៗរបស់ខ្លួនក្នុងលីគកំពូលកម្ពុជានៅរដូវកាលនេះ ដើម្បីឱ្យអ្នកគាំទ្ររបស់ខ្លួនកាន់តែសប្បាយរីករាយ។
លោក ខូវ ឆាយ អ្នកចាត់ការទូទៅក្រុមក្រសួងការពារជាតិ បានបញ្ជាក់ថានេះជាគម្រោងមួយដែលក្រុមការងាររបស់លោកកំពុងតែពិភាក្សាជាមួយដៃគូសហការផ្សេងៗ។ ដោយការប្រគុំតន្ត្រីនេះ អាចនឹងមានឡើង ប៉ុន្តែមិនមែនរាល់ប្រកួតរបស់ទ័ពនោះទេ។ វាអាចនឹងធ្វើនៅពេលប្រកួតធំៗ ដូចជាការប៉ះបឹងកេតអង្គរ ភ្នំពេញក្រោន ឬស្វាយរៀងអីជាដើម។
គោលបំណងក្នុងការធ្វើដូច្នេះ គឺដើម្បីឱ្យអ្នកគាំទ្ររបស់ក្រុមក្រសួងការពារជាតិទាំងអស់ អាចទស្សនាបាល់ទាត់បានហើយ ថែមទាំងមានពេលវេលាមើលការប្រគំតន្ត្រីសប្បាយៗថែមទៀត។ ខណៈដែលការប្រគុំនេះ ធ្វើឡើងនៅទីលានស្ដាតចាស់តែប៉ុណ្ណោះ មិនមែនឱ្យតែទ័ពប្រកួតប៉ះក្រុមខ្លាំងនៅក្រៅអីក៏ធ្វើដែរនោះទេ។
នៅចុងសប្ដាហ៍នេះដែរ ក្រុមក្រសួងការពារជាតិត្រូវប៉ះជាមួយក្រុម Cambodian Tiger នៅកីឡដ្ឋានសៀមរាប ប៉ុន្តែដោយសារតែនៅទីលានសៀមរាបនោះកំពុងតែជួសជុល ដូច្នេះហើយទើបលើកមកធ្វើនៅស្ដាតចាស់វិញ វេលាម៉ោង៣រសៀល ថ្ងៃសៅរ៍នេះ៕