Ronaldo Angkor ហ្វឹកហាត់ជាមួយ ស៊ូ យ៉ាទី និងឈិន ឈឿន

2017-02-25 05:05:09
ចំនួនមតិ 0 | ចំនួនចែករំលែក 0

ចន្លោះមិនឃើញ

ខ្សែប្រយុទ្ធក្រុម រស្មីសៀមរាប Tour កែវ វិសាល ដែលមានរហស្សនាមថា Ronaldo Angkor ទម្លាយថា ខ្លួនធ្លាប់ជាកីឡាករអាជីពហ្វឹកហាត់នៅក្លឹបក្រសួងការពារជាតិជិត១ឆ្នាំជាមួយមិត្តសម្លាញ់ ស៊ូ យ៉ាទី និង ឈិន ឈឿន នាកំឡុងឆ្នាំ២០០៧-២០០៨។ តើប្រិយមិត្តភ្លេចឈ្មោះនេះហើយមែនទេ?

Ronaldo Angkor បានជួយក្រុម សៀមរាប Tour ឲ្យឡើងទៅវគ្គ ៣២ក្រុមចុងក្រោយយ៉ាងជោគជ័យ ដោយបំបាក់ដៃគូយ៉ាងចាស់ដៃ ៧-០ ក្នុងវគ្គ៦៤ចុងក្រោយនៃពានរង្វាន់ Tiger Street Football Festival 2017។ ក្រោយជួយក្រុម កែវ វិសាល បានឲ្យដឹងថា នាកំឡុងឆ្នាំ២០០៧ រូបគេលេងល្អប្រកបដោយបច្ចេកទេស និងមានល្បឿនលឿន ដែលពេលនោះគឺហ្វឹកហាត់ជាមួយអ្នកចាំទីជម្រើសជាតិកម្ពុជា ស៊ូ យ៉ាទី និងខ្សែការពារ ឈិន ឈឿន ត្រូវបានមិត្តរួមក្រុមទាំងអស់ហៅថា Ronaldo ។

កីឡាករមិនបានជាប់ជម្រើសជាតិកម្ពុជារូបនេះបន្ថែមថា ដោយសារការងាររវល់ខ្លាំង ហើយខ្លួនគ្មានឱកាសចាប់យកអាជីពមួយនេះរូបគេក៏បានបោះបង់វាចោល និងបន្តការសិក្សា។ រហូតដល់ឆ្នាំ២០១៣ ជាប់ការងារនៅខេត្តសៀមរាប ដោយចិត្តស្រលាញ់បាល់ទាត់ផងនោះក៏ហ្វឹកហាត់ និងលេងក្នុងក្រុមបាយបាននានា ត្រូវបានគេដាក់ឈ្មោះថា Ronaldo Angkor រហូតដល់សព្វថ្ងៃ។

ចំពោះចំណាប់អារម្មណ៍ Ronaldo Angkor បញ្ជាក់ថា រូបគេពេញចិត្តចំពោះឈ្មោះនេះមែនទែន ណាមួយ Ronaldo ជា Idol របស់គេទៀតផង។ រូបគេសង្ឃឹមថា មិត្តរួមអាជីពពីមុន នឹងនៅចង់ចាំរូបគេ ហើយពិសេសប្រិយមិត្តដែលតាមដានវិស័យបាល់ទាត់ប្រហែលជាស្គាល់រូបគេផងដែរ។

ចំពោះពានរង្វាន់ Tiger Street Football Festival 2017 នៅមណ្ឌលសៀមរាបរូបគេរំពឹងថា ក្រុមរស្មីសៀមរាប Tour របស់គេ នឹងមានឈ្មោះទៅលេងដំណាក់កាលផ្ដាច់ព្រ័ត្រនៅភ្នំពេញផងដែរ៕

សកម្មភាពប្រកួតព្រឹកនេះ៖