វីដេអូបុរសចម្លែកហូបសុទ្ធតែដុំថ្ម ដុំឥដ្ឋជំនួសបាយ

2017-02-27 04:42:46
ចំនួនមតិ 0 | ចំនួនចែករំលែក 0

ចន្លោះមិនឃើញ

វាជារឿងដ៏កម្របានជួបប្រទះនៅលើពិភពលោកដែលមនុស្សយករបស់រឹងមកបរិភោគជំនួសបាយ ប៉ុន្តែបុរសឥណ្ឌាម្នាក់បានញៀននឹងការហូបដុំឥដ្ឋ ដុំថ្ម និងភក់ប្រចាំថ្ងៃទៅហើយ។

បុរសរូបនេះមានឈ្មោះ Pakkirappa Hunagundi អាយុ៣០ឆ្នាំ រស់នៅរដ្ឋ Karnataka បានកើតជំងឺម្យ៉ាងឈ្មោះថា Pica ដោយធ្វើឲ្យគាត់ចេះតែឃ្លានរបស់រឹងៗដែលមនុស្សទូទៅមិនអាចញ៉ាំបាន។ មែនទែនទៅ គាត់ត្រូវហូបឥដ្ឋ គ្រោះ និងភក់ យ៉ាងតិច៣គីឡូក្រាមជារៀងរាល់ថ្ងៃ។

Hunagundi រៀបរាប់ពីប្រវត្តិថា នៅអាយុ១០ឆ្នាំ លោកចាប់ផ្ដើមចូលចិត្តកម្ទេចកំទីរឹងៗ ជាពិសេសរបស់ដែលគេហូបមិនកើត ដូច្នេះគាត់ចាប់ផ្ដើមហូបកម្ទេចឥដ្ឋជញ្ជាំងផ្ទះ និងដើររើសតាមផ្លូវ តែវាមិនប៉ះពាល់ដល់ក្រពះគាត់ឡើយ។

បើតាមអ្នកជំនាញចាត់ទុកថា អ្នកកើតជំងឺ Pica នឹងឃ្លានហូបតែរបស់ណាដែលគ្មានជីវជាតិប៉ុណ្ណោះ។ ត្បិតតែហូបរបស់ទាំងនេះជាង២០ឆ្នាំ តែសុខភាពរបស់លោកនៅល្អមិនគួរឲ្យជឿទៅវិញ។

ទោះបីជាមានការស្នើសុំពីសាច់ញាតិបងប្អូនរយៈពេល២០ឆ្នាំឲ្យឈប់ហូបរបស់គ្រោះថ្នាក់ខាងលើក៏លោកធ្វើមិនដឹងដែរ ថែមទាំងព្រលយថា "ខ្ញុំហូបឥដ្ឋ ហូបថ្មរយៈពេលប្រមាណ២០ឆ្នាំហើយ ខ្ញុំចូលចិត្តញ៉ាំពួកវាណាស់ ព្រោះវាជាផ្នែកមួយនៃជីវិតរបស់ខ្ញុំ។ ខ្ញុំមិនឈឺអ្វីទេ ធ្មេញរបស់ខ្ញុំនៅល្អណាស់ ខ្ញុំអាចខាំថ្មយ៉ាងរឹងដោយគ្មានបញ្ហាទៀតផង៕"