ព័ត៌មានបន្ថែមពីអាការៈរបស់ Jun.K ក្រោយធ្លាក់ពីលើឆាក

2017-02-28 01:46:29
ចំនួនមតិ 0 | ចំនួនចែករំលែក 0

ចន្លោះមិនឃើញ

ផលិតកម្ម JYP កាលពីពេលថ្មីៗនេះបានផ្ដល់ព័ត៌មានថ្មីដល់អ្នកគាំទ្រដែលមានការបារម្ភពីអាការៈរបស់ Jun.Kសមាជិកក្រុម 2PM បន្ទាប់ពីសមាជិករូបនេះ បានធ្លាក់ពីលើឆាកសម្ដែងកម្ពស់ ៣ម៉ែត្រ។

ថ្មីៗនេះ តារាចម្រៀងដែលមានវ័យ ២៩ឆ្នាំ Jun.K បានសម្ដែងរួមជាមួយក្រុមរបស់លោកនៅការប្រគំតន្ត្រី "6 Nights" របស់ពួកគេ តែជាអកុសលលោកបានធ្លាក់ពីលើឆាក នៅចន្លោះពេលដែលលោកប្ដូរវេទិកាសម្ដែង។ ភ្លាមៗនោះលោកត្រូវបានគេលើកដាក់លើស្នែង ដើម្បីសង្គ្រោះ រីឯការប្រគំតន្ត្រីត្រូវបានរំសាយចោលភ្លាមៗ។

ក្រោយហេតុការណ៍នេះ ផលិតកម្ម JYP ក៏បានជម្រាបជូនព័ត៌មានថា Jun.K បានបែកកែងដៃ និងម្រាមដៃ ហើយក៏បានធ្វើការសុំទោសទៅកាន់អ្នកគាំទ្រ ដែលមិនបានធានាសុវត្ថិភាពជូនតារារបស់ពួកគេ។

ដោយឡែកកាលពីថ្ងៃទី ២៧ ខែកុម្ភៈម្សិលមិញនេះដែរ ផលិតកម្មដដែលបានបង្ហាញថា Jun.K បានវះកាត់កន្លែងរបួសរួចរាល់ហើយ ប៉ុន្តែត្រូវសម្រាកព្យាបាលនៅមន្ទីរពេទ្យបន្ត ដើម្បីពិនិត្យតាមដានផ្នែកផ្សេងទៀតដូចជានៅត្រង់ទ្រូង និងក្បាលជង្គង់ជាដើម៕

ប្រភព៖ Koreaboo

ប្រភព៖ Koreaboo ប្រែសម្រួល៖ ទារិកា