ចំណូលកសិករចិនកើនឡើងគួរឲ្យកត់សម្គាល់ក្នុងឆ្នាំ២០១៦

2017-03-03 02:15:20
ចំនួនមតិ 0 | ចំនួនចែករំលែក 0

ចន្លោះមិនឃើញ

ទោះបីជាវិស័យឧស្សាហកម្មកំពុងឈានមុខ និងរីកស្គុះស្គាយក្នុងប្រទេសចិននៅប៉ុន្មានទសវត្សចុងក្រោយនេះ វិស័យកសិកម្មក៏នៅតែដើរតួនាទីយ៉ាងសំខាន់ក្នុងប្រទេសមានប្រជាជនដ៏ច្រើនកកកុញមួយនេះ។

ប្រជាជនចិនរស់នៅតំបន់ដាច់ស្រយាលមានប្រមាណ ៦០០លាននាក់ គឺច្រើនជាងប្រជាជនសរុបរបស់អាមេរិកដល់ទៅ២ដងឯណោះ។

ក្នុងឆ្នាំ ២០១៦ ប្រជាជនរស់នៅតំបន់ដាច់ស្រយាលបានទទួលផលច្រើនពីរដ្ឋាភិបាលដែលសន្យាជួយពង្រឹងរបរចិញ្ចឹមជីវិត និងអាជីវកម្មផ្សេងៗក្នុងកំណែទម្រង់ហេដ្ឋារចនាសម្ព័ន្ធវិស័យកសិកម្ម និងកម្មវិធីអភិវឌ្ឍតំបន់ដាច់ស្រយាល។

ចំពោះចំណូលផលិតក្នុងស្រុកសរុប (GDP) របស់កសិករម្នាក់មានចំនួន ១៨០០ដុល្លារអាមេរិក ក្នុងឆ្នាំ ២០១៦ គឺកើនឡើង ៦,២%។ នេះបើយោងទៅតាមការិយាល័យស្ថិតិជាតិចិន (NBS)។

ស្របពេលនៃការកើនឡើងប្រាក់ចំណូលនេះ គឺដោយសារកសិករទទួលបានជំនួយទំនុកបម្រុងពីរដ្ឋាភិបាលតាមរយៈការកើនឡើងនៃការប្រើប្រាស់ម៉ាស៊ីនកសិកម្ម និងពង្រីកប្រឡាយទឹកឲ្យបានច្រើនដែលកសិករខិតខំបង្កើនចំណូលខ្លួនឯងបន្តទៀត រួមទាំងការលើកស្ទួយការយល់ដឹងពាណិជ្ជកម្មតាមអ៊ីនធឺណិតក្នុងតំបន់ដាច់ស្រយាលផង។

បើយោងទៅតាមផែនការរយៈពេល៥ឆ្នាំ ផ្សព្វផ្សាយដោយក្រសួងកសិកម្មកាលពីខែកញ្ញាឆ្នាំ ២០១៦ ប្រទេសចិននឹងបញ្ជ្រាបផ្នែកព័ត៌មានវិទ្យាទៅក្នុងវិស័យកសិកម្មជាមួយគម្រោងឈ្មោះថា 13th Five-Year Plan (2016-2020) ដើម្បីលើកស្ទួយ "អ៊ីនធឺណិត និងកសិកម្មទំនើប៕”