Angelina Jolie៖ "ជារឿងសំខាន់ប្រជាជនកម្ពុជាមោទនភាពចំពោះរឿងរបស់ខ្ញុំ"
- 2017-03-06 07:51:57
- ចំនួនមតិ 0 | ចំនួនចែករំលែក 0
Angelina Jolie៖ "ជារឿងសំខាន់ប្រជាជនកម្ពុជាមោទនភាពចំពោះរឿងរបស់ខ្ញុំ"
ចន្លោះមិនឃើញ
ជាមួយនឹងការបញ្ចេញភាពយន្ត "មុនដំបូងខ្មែរក្រហមសម្លាប់ប៉ារបស់ខ្ញុំ" តារាហូលីវូដ Angelina Jolie បានបង្ហាញអារម្មណ៍ថា វាជារឿងសំខាន់ដែលប្រជាជនកម្ពុជាមានអារម្មណ៍មោទនភាពចំពោះរឿងរបស់នាង។
និយាយប្រាប់ BBC ក្នុងកិច្ចសម្ភាសន៍ពិសេសអំពីរបបប្រល័យពូជសាសន៍និងភាពយន្តកាលពីម្សិលមិញម្ដាយចិញ្ចឹមរបស់ Maddox រូបនេះថ្លែងថា៖" ខ្ញុំសង្ឃឹមថារឿងនេះមិននាំមកនូវភាពស្អប់ ការស្ដីបន្ទោសអ្វីឡើយ។ ខ្ញុំសង្ឃឹមថា ប្រជាជននៅកម្ពុជាមានមោទនភាព ពេលដែលពួកគេបានទស្សនាវា ព្រោះពួកគេបានឃើញ អ្វីដែលពួកបានរស់រានមានជីវិត។
តារាស្រីវ័យ៤១ឆ្នាំបន្តទៀតថា៖ "ខ្ញុំមានអារម្មណ៍សង្គ្រាមនេះបានកើតឡើងកាលពី៤០ឆ្នាំមុនហើយអ្វីដែលកើតឡើងលើមនុស្សទាំងនោះមិនមែនជាការយល់ដ៏ត្រឹមត្រូវនោះទេ។ មិនមែនសម្រាប់ពិភពលោក ប៉ុន្តែសម្រាប់ប្រជាជនក្នុងប្រទេសនេះ។ ខ្ញុំចង់ឲ្យពួកគេអាចគិតដល់វាឲ្យស៊ីជម្រៅក្នុងផ្លូវមួយ ដែលពួកគេអាចទទួលយកបាន"។
ភាពយន្ត "មុនដំបូងខ្មែរក្រហមសម្លាប់ប៉ារបស់ខ្ញុំ" និយាយពីការចងចាំរបស់កុមារីម្នាក់កាលពីអតីត បច្ចុប្បន្នជាសកម្មជនសិទ្ធិមនុស្សនៅអាមេរិក និងជាអ្នកនិពន្ធនៃរឿងនេះដែរឈ្មោះ លឿង អ៊ឹង៕