ធ្លាយរឿង Angelina Jolie ខំសាក់យ័ន្តចងស្នេហ៍ប្ដីប្រពន្ធនៅខ្មែរ ប៉ុន្តែនៅតែបែកគ្នា
- 2017-03-13 03:38:11
- ចំនួនមតិ 0 | ចំនួនចែករំលែក 0
ធ្លាយរឿង Angelina Jolie ខំសាក់យ័ន្តចងស្នេហ៍ប្ដីប្រពន្ធនៅខ្មែរ ប៉ុន្តែនៅតែបែកគ្នា
ចន្លោះមិនឃើញ
តារាហូលីវូដ Angelina Jolie ជាមនុស្សម្នាក់ចូលចិត្តសិល្បៈសាក់ ដោយនាងមានប្រមាណ១៥កន្លែងលើខ្លួន។ ហើយថ្មីៗនេះមានការបង្ហាញសាក់ថ្មីមួយទៀតរបស់ Angelina ដែលសាក់ដោយអតីតសង្ឃថៃម្នាក់។
តាមការឲ្យដឹងពី Mirror អតីតសង្ឃថៃ Ajarn Noo Kanpai បានហោះហើរពីទីក្រុងបាងកកមកខេត្តសៀមរាប ប្រទេសកម្ពុជា ដើម្បីមកសាក់ឲ្យ Jolie និង Brad Pitt ខណៈនាងកំពុងថតរឿង "មុនដំបូងខ្មែរក្រហមសម្លាប់ប៉ា របស់ខ្ញុំ"។ ការសាក់នេះធ្វើតាមវិធីបុរាណ ដោយប្រើដំបងដែកនិងមានម្ជុលមុតស្រួច ដែលមានការឈឺចាប់ជាងម៉ាស៊ីនសាក់។
គ្រានោះម្ដាយចិញ្ចឹមរបស់ Maddox សាក់យ័ន្ត៣កន្លែងនៅខាងក្រោយខ្នង ស្របពេល Brad សាក់បែបសាសនាព្រះពុទ្ធនៅលើពោះ។ ចំពោះរូបភាពដែលបានបង្ហាញនេះ គឺថតនៅពេលតារាទាំងពីកំពុងថតនៅកម្ពុជា កាលពីខែ កុម្ភៈឆ្នាំមុន។
តាមការបញ្ជាក់ពី Mirror រូបយន្តរបស់ Angelina និង Brad នេះមានន័យនិងគោលបំណង "ចងភ្ជាប់ពួកគេជាប្ដីប្រពន្ធ" តែយ៉ាងណានៅខែ កញ្ញា ឆ្នាំ២០១៦ តារាល្បីទាំង២ក៏ចែកផ្លូវគ្នាដើរ។ តាមពិតទៅ អតីតសង្ឃថៃ Ajarn Noo Kanpaiបានសាក់ឲ្យ Angelina Jolie ២ដងមកហើយ ដោយលើកទី១នៅឆ្នាំ២០០៣ និងលើទី២ឆ្នាំ២០០៤៕
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
