កាយវិការ៦យ៉ាង ជួយឲ្យអ្នកកាន់តែមានជំនឿចិត្ត និងជោគជ័យ

2017-03-14 00:15:00
ចំនួនមតិ 0 | ចំនួនចែករំលែក 0

ចន្លោះមិនឃើញ

មិនថាលោកអ្នកអញ្ជើញទៅណាមកណាទេ ភាសាកាយវិការរបស់អ្នកត្រូវតែមើលទៅមានភាពស្វាហាប់ និងពោរពេញដោយថាមពល ជាពិសេសទឹកមុខ ដំណើរ កាយវិការដៃ ការស្លៀកពាក់ ឬម៉ូដសក់ជាដើម។

ប្រសិនបើអ្នកធ្វើបានរឿងទាំងនេះហើយ ការសន្ទនាឆ្លើយឆ្លងជាមួយមនុស្សជុំវិញក៏មានភាពរលូនទៅតាមនោះដែរ តែបើកាយវិការមើលទៅហាក់រសាប់រសល់នៅមិនស្ងៀម ពេលអ្នកសន្ទនាជាមួយដៃគូប្រាកដណាស់នឹងធ្វើឲ្យអារម្មណ៍មិននឹងន ភ្លេចមុខភ្លេចក្រោយជាមិនខាន។

បើយោងទៅតាមអ្នកជំនាញនិយាយថា កាយវិការអាចកែប្រែគំនិតរបស់មនុស្ស គំនិតអាចកែប្រែអាកប្បកិរិយា ហើយអាកប្បកិរិយាអាចកែប្រែលទ្ធផលទទួលបាន។ ដើម្បីឲ្យទទួលលទ្ធផលគាប់ចិត្ត អ្នកជំនាញផ្ដល់ដំបូន្មានឲ្យគ្រប់គ្នាស្វែងយល់ និងផ្លាស់ប្ដូរទម្លាប់កាយវិការជាមួយប៉ុន្មានចំណុចខាងក្រោម៖

១. កាយវិការបែបមានទំនុកចិត្ត៖ មនុស្សជោគជ័យតែងតែអង្គុយត្រង់ខ្លួន ស្លៀកពាក់ឲ្យបានស្អាតបាតតាមកម្មវិធី និងគិតក្នុងចិត្តថានៅទីនេះមានតែឯងខ្លួនទេមានឥទ្ធិពល។ ការទាក់ទងជាមួយមនុស្សក្បែរខ្លួនត្រូវតែច្បាស់លាស់ និងម៉ឺងម៉ាត់។

២. ទម្លាក់ដៃចុះក្រោម៖ ពេលអ្នកអោបដៃ ឬដៃកាន់អ្វីមួយក្នុងដៃ អ្នកហាក់មិនមានភាពរហ័សរហួនក្នុងការបត់បែនបានលឿននោះទេ។

៣. មិនត្រូវការកាយវិការដូចគ្មានកម្លាំង៖ មនុស្សជោគជ័យពេលអង្គុយ ឬឈរតែងតែមានការប្រុងប្រយ័ត្នជានិច្ចជាមួយនឹងការផ្ចង់ស្មារតីខ្ពស់រង់ចាំមើលមនុស្សជុំវិញ។

៤. រៀនធ្វើទឹកមុខឲ្យរួសរាយ៖ ស្នាមញញឹមប្រកបដោយភាពរួសរាយតែម៉ឺងម៉ាត់ អាចជួយកាត់បន្ថយអារម្មណតប់ប្រមល់ ឬស្ត្រេសបាន និងធ្វើឲ្យសមត្ថភាពការគិតស្ងប់ស្ងាត់ល្អ ទោះស្ថិតក្នុងស្ថានភាពមិនតឹងតែងក៏ដោយ។

៥. រៀនប្រើក្រសែភ្នែកឲ្យមុត៖ មនុស្សជាច្រើនដឹងថាការសម្លឹងខ្លាំងធ្វើឲ្យគេមើលមកគិតថាអ្នកកំពុងភ័យតក់ស្លុត តែបើកែវភ្នែកបែបលឹបលៗ អ្នកត្រូវគេជឿថា កំពុងមានរឿងលាក់អ្វីមួយហើយ។

៦. រៀនចាប់ដៃឲ្យណែន៖ ក្រុមបុគ្គលជោគជ័យ ឬមនុស្សមានឥទ្ធិពលតែងតែចាប់ដៃស្វាគមន៍គ្នាជាមួយកាយវិការស្វាហាប់ និងជឿជាក់ ព្រោះនឹងធ្វើឲ្យការប្រាស្រ័យទាក់ទងគ្នាបានរលូនល្អទៅមុខ៕