ដឹងយន្តហោះខ្នាតយក្សហោះមួយជើងៗ ចំណាយអស់ប៉ុន្មាន?
- 2017-03-14 07:35:10
- ចំនួនមតិ 0 | ចំនួនចែករំលែក 0
ដឹងយន្តហោះខ្នាតយក្សហោះមួយជើងៗ ចំណាយអស់ប៉ុន្មាន?
ចន្លោះមិនឃើញ
ម្សិលមិញប្រិយមិត្តបានដឹងពីបរិមាណប្រេងឥន្ធនៈដ៏ច្រើនលើសលប់ដែលយន្តហោះដឹកអ្នកដំណើរខ្នាតយក្សអាចផ្ទុកបាន។ ថ្ងៃនេះមកស្វែងយល់បន្តពាក់ព័ន្ធនឹងយន្តហោះខ្នាតយក្សដដែល ដោយនិយាយអំពីការចំណាយសម្រាប់ការហោះហើរមួយជើង។
ទិន្នន័យលម្អិតរបស់ជើងហោះហើរ Qantas Airways នឹងបង្ហាញឲ្យស្រួលយល់អំពីការចំណាយពេលយន្តហោះហោះមួយជើងៗ។ សម្រាប់ការហោះហើររយៈពេល ១៤ ម៉ោងរបស់យន្តហោះ Airbus A380-800 ដែលធ្វើដំណើរពីទីក្រុងស៊ីដនីប្រទេសអូស្ត្រាលី ទៅកាន់ទីក្រុង Los Angeles សហរដ្ឋអាមេរិកគេត្រូវចំណាយ ៣០៥ ៧៣៥ ដុល្លារ។ ក្នុងនោះត្រូវចំណាយ ១១ ៤១៤ ដុល្លារលើអាហារ និង ភេសជ្ជៈ, ១២ ៦២៥ ដុល្លារលើបុគ្គលិក និង ៣៧ ១៥៧ ដុល្លារលើពន្ធព្រលានយន្តហោះ និង លើសេវាកម្មបង្ហាញផ្លូវ។ ហើយត្រូវចាយប្រមាណ ២៤៤ ៥៣៩ ដុល្លារ លើប្រេងឥន្ធនៈប្រើសម្រាប់ហោះហើរយន្តហោះដែលមានកៅអី ៤៨៤ កៅអីនេះ។
សម្រាប់យន្តហោះ Boeing 777-300ER វិញដែលធ្វើដំណើរពីទីក្រុងស៊ីដនី ទៅកាន់ទីក្រុង Los Angeles ដូចគ្នាត្រូវចំណាយ ១៩០ ៤៤២ ដុល្លារ។ ៩ ៦៥២ ដុល្លារ ចំណាយលើអាហារ និង ភេសជ្ជៈ, ៩ ៦៥៣ ដុល្លារលើបុគ្គលិក, ៣១ ១១៧ ដុល្លារលើពន្ធព្រលានយន្តហោះ និង លើសេវាកម្មបង្ហាញផ្លូវ។ ចំណែកឯប្រេងឥន្ធនៈប្រើដើម្បីហោះហើរយន្តហោះ ៣៦១ កៅអីនេះត្រូវចំណាយលើសពី ១៤០ ០០០ ដុល្លារ៕