មេ UFC ឲ្យប្រាក់ Floyd & McGregor ម្នាក់២៥លានដុល្លារពីលើទៀត
- 2017-03-15 07:02:06
- ចំនួនមតិ 0 | ចំនួនចែករំលែក 0
មេ UFC ឲ្យប្រាក់ Floyd & McGregor ម្នាក់២៥លានដុល្លារពីលើទៀត
ចន្លោះមិនឃើញ
លោក Dana White ប្រធានកីឡាករប្រដាល់ UFC នឹងផ្តល់ប្រាក់ឲ្យ Floyd Mayweather និង Conor McGregor ៥០លានដុល្លារ (ម្នាក់២៥លានដុល្លារ) ដើម្បីត្រៀមព្រឹត្តិការណ៍ប្រកួតដ៏ធំរបស់ពួកគេ នៅប៉ុន្មានខែខាងមុខនេះ។
កាលពីអង្គារម្សិលមិញ សារព័ត៌មាន FloCambat បានឲ្យដឹងថា Floyd នឹងឡើងសង្វៀនប្រដាល់ជាថ្មី ដោយត្រូវប៉ះជាមួយកំពូលអ្នកប្រដាល់ UFC កីឡាករ McGregor ក្នុងវិញ្ញាសាប្រដាល់សកល។ រីឯការប្រកួត នឹងអាចធ្វើឡើងនៅសង្វៀន T-Mobile Arena ទីក្រុង Las Vegas ថ្ងៃទី១០ ខែមិថុនា ខណៈដែលការប្រកួតនេះ ពួកគេបានព្រមព្រៀងគ្នា លើតម្លៃប្រកួតម្នាក់ ១០០លានដុល្លារសហរដ្ឋអាមេរិក។
យ៉ាងណាក្ដី ប្រធាន UFC លោក Dana White បានប្រាប់ដល់ LA Times ថ្ងៃនេះថា កីឡាករទាំងពីររូបនេះ នឹងឡើងវ៉ៃជាមួយគ្នាមែន ប៉ុន្តែអាចមិនធ្វើនៅខែមិថុនាទេ ព្រោះវាឆាប់ពេក ដូច្នេះលោកជឿថា ពួកគេអាចនឹងឡើងសង្វៀន នៅខែកញ្ញាខាងមុខ។ សេចក្ដីរាយការណ៍ដដែលបន្ថែមថា បុរសសញ្ជាតិអាមេរិក វ័យ៤៧ឆ្នាំរូបនេះ គ្រោងនឹងផ្ដល់ប្រាក់ឲ្យពួកគេពីលើម្នាក់២៥លានដុល្លារទៀតផងដែរ៕