ចេញថតជាង២ខែ "មន្តស្នេហ៍លេខា" ដំណើរការដល់ណាហើយ?(មានវីដេអូ)
- 2017-03-16 03:07:27
- ចំនួនមតិ 0 | ចំនួនចែករំលែក 0
ចេញថតជាង២ខែ "មន្តស្នេហ៍លេខា" ដំណើរការដល់ណាហើយ?(មានវីដេអូ)
ចន្លោះមិនឃើញ
បន្ទាប់ពីចេញដំណើរការថតរឿង "មន្តស្នេហ៍លេខា" ដែលដកស្រង់ចេញពីប្រលោមលោក Sabayបានរយៈពេលជាង២ខែមកនេះ ដឹកនាំរឿងដោយសាស្ត្រាចារ្យសាលាមធ្យមវិចិត្រសិល្បៈភ្នំពេញផ្នែកនាដសាស្រ្ត អ៊ុំ វុឌ្ឍី មានរឿងរ៉ាវបារម្ភច្រើនដែលបានជួបប្រទះ។
ដោយសារសិល្បករសម្ដែងភាគច្រើន សុទ្ធតែមានរឿងច្រើននៅក្នុងដៃ ពេលវេលាសម្រាប់ថតរឿងបែងចែកថ្ងៃគ្នា ភាពយន្តមួយនេះទម្រាំតែបានជុំគ្នា គឺពិបាក។ មួយវិញទៀតក្រុមការងារក៏សំខាន់ បើមិនមានការយោគយល់អធ្យាស្រ័យគ្នានោះ ដំណើរនៃការថតរឿង រឹតតែមិនបានរលូន។
ជាក់ស្តែងកាលចេញថតដំបូង សាស្រ្តាចារ្យខាងលើ បន្តឲ្យដឹងទៀតថាក្រុមការងារនៅមិនទាន់មានភាពស៊ីសង្វាក់គ្នាជាហេតុធ្វើធ្វើឲ្យប្លង់មួយចំនួនពិបាកក្នុងការទទួលយក។ ប៉ុន្តែក្រោយពីបានធ្វើការជាមួយគ្នា យូរទៅក្រុមការងារទាំងមូល ទាំងសិល្បករ មានការប្រាស្រ័យទាក់ទងគ្នាល្អ ព្រមទាំងចេះយោគយល់ មិនតែប៉ុណ្ណោះថែមទាំងទទួលបានប្លង់ល្អដូចអ្វីដែលចង់បាន។
មួយវិញទៀតប្លង់មួយចំនួនដូចជា ប្លង់វីឡា និង កន្លែងធ្វើការ របស់តួអង្គ សេនី ពិបាករកនិងមានច្រើនជាងគេ រហូតទៅដល់៦១ឆាក ដែលមាន៣០១ សេកង់ ព្រមទាំងរកមិនសូវបានដូចចិត្ត១០០ភាគរយឡើយ តែយ៉ាងណានៅតែខំរៀបចំដេគ័រឲ្យមានភាពទាក់ទាញ។
ដោយឡែកថ្ងៃនេះ "មន្តស្នេហ៍លេខា" ចេញថតប្លង់មួយចំនួននៅឯខេត្តសៀមរាបចំនួន ៥ថ្ងៃ ហើយក្រុមការងារនឹងព្យាយាមផ្តិតយករូបភាព និងសកម្មភាពនានាមកចែកជូនប្រិយមិត្តដែលទន្ទឹងរង់ចាំរឿងនេះពេលក្រោយ។
ខាងក្រោមនេះជាសកម្មភាពថតកន្លងមក៖