ក្លឹបបង្ហាត់វាយសីដ៏ទំនើបមួយកន្លែង ឲ្យក្មេងៗហាត់មិនគិតប្រាក់

2017-03-16 03:24:21
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្លឹបកីឡាវាយសីខេមរៈ ដែលមានទីតាំងនៅផ្លូវ ២៨១ សង្កាត់បឹងកក់១ ខណ្ឌទូលគគ បើកបង្ហាត់ក្មេងៗចន្លោះពីអាយុ ៥ឆ្នាំដល់ ១៥ឆ្នាំមិនគិតប្រាក់។

បើតាមលោក ម៉ោ ចាន់ថុន អ្នកគ្រប់គ្រងក្នុងក្លឹបខាងលើបានឲ្យដឹងថា ក្លឹបរបស់លោកមិនត្រឹមតែបង្ហាត់ក្មេងៗមិនយកប្រាក់នោះទេ ថែមទាំងឧបត្ថម្ភជាសម្ភារៈកីឡាជួនដល់ពួកគេមួយឈុតទៀតផង។ ការផ្ដល់ឲ្យក្មេងៗហាត់មិនគិតប្រាក់នេះក្នុងទិសដៅជួយបណ្ដុះបណ្ដាលធនធានកីឡាករជូនជាតិ ហើយជាពិសេសគឺចង់ជួយស្វែងរកកីឡាករល្អៗ ដើម្បីត្រៀមចូលរួមស៊ីហ្គេមឆ្នាំ២០២៣។

គ្រូជំនួយជម្រើសជាតិកម្ពុជារូបនេះបន្ថែមថា តាំងពីបង្កើតក្លឹបនេះមកដល់បច្ចុប្បន្នបានបណ្ដុះធនធានកីឡាករឲ្យបានជាប់ជម្រើសជាតិបានជិត១០រូបរួចមកហើយ។ កីឡាករអាជីពដែលបណ្ដុះបណ្ដាលចេញពីទីនេះភាគច្រើនគឺផ្ដើមចេញពីមិនចេះលេងកីឡានេះសោះតែម្ដង។

ចង់ដឹងថាតើលោក ម៉ោ ចាន់ថុន និយាយអ្វីខ្លះសូមមើលវីដេអូខាងក្រោម៖

អត្ថបទ៖ ស្រី សុវណ្ណដារ៉ា