ភរិយាឧកញ៉ា ម៉ុង ឫទ្ធី ធ្វើប្រហុកម្ដងជាង ៣០០០គីឡូ ទុកទទួលភ្ញៀវជំនួសគ្រឿងសមុទ្រ

2017-03-16 07:27:20
ចំនួនមតិ 0 | ចំនួនចែករំលែក 0

ចន្លោះមិនឃើញ

ជាភរិយារបស់សេដ្ឋីមានជំនួញក្នុងដៃច្រើនមែនពិត ប៉ុន្តែលោកជំទាវ ម៉ែន ស៊ុន ម៉ុង ឫទ្ធី មិនធ្លាប់ទុកខ្លួនឲ្យទំនេរទេ គឺតែងធ្វើការងារផ្ទះជាប្រចាំដូចនារីធម្មតាម្នាក់។ កាលពីចុងខែធ្នូកន្លងទៅ លោកជំទាវទើបធ្វើប្រហុកដាក់ពាងដោយផ្ទាល់ដៃប្រមាណជាង ៣ពាន់គីឡូក្រាមទៀត ដើម្បីទុកទទួលភ្ញៀវជំនួសជាម្ហូបបែបខ្មែរ ជំនួសគ្រឿងសមុទ្រនានា។

លោកជំទាវ ម៉ែន ស៊ុន ម៉ុង ឫទ្ធី

លោកជំទាវ ម៉ែន ស៊ុន ម៉ុង ឫទ្ធី បានបញ្ជាក់ថា ប្រហុកដែលធ្វើទុកក្នុងឃ្លាំងទាំងអស់នេះ គឺសម្រាប់ទទួលទានក្នុងក្រុមគ្រួសារ និងទទួលភ្ញៀវជាមន្ត្រីជាន់ខ្ពស់នានាដែលតែងទៅលេងគេហដ្ឋានរបស់លោកឧកញ៉ា ម៉ុង ឫទ្ធី ជាប្រចាំនៅឃុំកែវផុស ជាប់នឹងមាត់សមុទ្រផ្ទាល់តែម្ដង។ ក្រៅពីនេះ លោកជំទាវក៏ត្រៀមសម្រាប់ការជប់លៀងជូនកម្មករ ព្រោះលោកជំទាវចង់ឲ្យសាកម្ហូបបែបខ្មែរ ជាជាងគ្រឿងសមុទ្រ។

ម្ហូបដែលលោកជំទាវទទួលភ្ញៀវភាគច្រើន គឺប្រហុកចំហុយ និងសម្លម្ជូរគ្រឿង ហើយម្ហូបទាំងអស់នោះ លោកជំទាវតែងចូលរួមធ្វើដោយផ្ទាល់ដៃ បើទោះមានចុងភៅប្រចាំផ្ទះក៏ដោយ។ លោកជំទាវ បានប្រាប់ថា នេះជាទម្លាប់ទៅហើយ ព្រោះជាប្រចាំតែងធ្វើម្ហូប និងការងារផ្ទះ មិនចេះទុកខ្លួនឲ្យទំនេរឡើយ។