Mata ស៊ុត១គ្រាប់ ជួយឲ្យ Man Utd ឡើងវគ្គ៨ក្រុម UEFA Europa League
- 2017-03-16 23:16:57
- ចំនួនមតិ 0 | ចំនួនចែករំលែក 0
Mata ស៊ុត១គ្រាប់ ជួយឲ្យ Man Utd ឡើងវគ្គ៨ក្រុម UEFA Europa League
ចន្លោះមិនឃើញ
ក្រុមបិសាចក្រហម Manchester United បានឡើងទៅវគ្គ៨ក្រុមចុងក្រោយពាន UEFA Europa League ហើយ បន្ទាប់ពីឈ្នះ Rostov ១-០ ក្នុងការប្រកួតវគ្គ១៦ក្រុម ជើងទី២ នៅកីឡដ្ឋាន Old Trafford យប់មិញ និងសរុបទាំង២ជើងឈ្នះ ២-១។
បន្ទាប់ពីជើងទី១នៅទឹកដីរុស្សី បញ្ចប់លទ្ធផលស្មើគ្នា ១-១ Man Utd បានសម្រុក Rostov យ៉ាងខ្លាំង ដោយគ្រប់គ្រងបាល់ដល់ទៅ៦៩% និងស៊ុតសរុប១៨ជើង។ ១គ្រាប់របស់បិសាចក្រហម ស៊ុតដោយខ្សែបម្រើ Juan Mata នាទី៧០ បន្ទាប់ពី Henrikh Mkhitaryan វាយកាត់ពីស្លាប ហើយ Zlatan Ibrahimovic វាយកែងបញ្ជូនឲ្យយ៉ាងល្អ។
UEFA Europa League ជាពានរង្វាន់ធំមួយ ដែលក្រុម Man Utd មិនដែលមានប្រវត្តិធ្លាប់លើកពាននៅឡើយទេ ដូច្នេះរដូវកាលនេះពួកគេរំពឹងថា នឹងអាចឈ្នះជាលើកដំបូង ហើយក៏ចង់ឈ្នះ ដើម្បីបានទៅលេង UEFA Champions League ផងដែរ។
ក្រុមដែលជាប់ទៅវគ្គ៨ក្រុម UEFA Europa League ទាំងអស់មាន៖ Ajax, Besiktas, Lyon, Man Utd, Genk, Celta Vigo, Anderlecht និង Schalke 04។ ការចាប់ឆ្នោត នឹងធ្វើឡើងនៅយប់ថ្ងៃសុក្រនេះ៕