បុរសបារាំងជាប់ចិត្តគុនខ្មែរ Derek មិនសូវបង្ហាញមុខលើសង្វៀនញឹកញាប់ ព្រោះជាប់...
- 2017-03-17 07:36:22
- ចំនួនមតិ 0 | ចំនួនចែករំលែក 0
បុរសបារាំងជាប់ចិត្តគុនខ្មែរ Derek មិនសូវបង្ហាញមុខលើសង្វៀនញឹកញាប់ ព្រោះជាប់...
ចន្លោះមិនឃើញ
អ្នកប្រដាល់ជនជាតិបារាំងដែលស្រឡាញ់ក្បាច់បុរាណខ្មែរ Bidaut Derek បាត់មុខយូរមិនសូវឃើញឡើងប្រកួតនៅតាមសង្វៀនផ្សេងៗកន្លងមក ដោយសាររវល់បង្ហាត់សិស្សនិងមិនសូវមានពេលហាត់ខ្លួនឯងផង។
ជនជាតិបារាំងដែលចេះនិយាយភាសាខ្មែរយ៉ាងស្ទាត់ជំនាញ Bidaut Derek បានឲ្យដឹងមុនបន្តិចថា ការបាត់មុខ ៤-៥ខែ ទើបឃើញឡើងប្រកួតម្ដងនេះ គឺដោយសារតែរវល់នោះទេ មិនមែនចាប់គូរមិនបានឬក៏គ្មានប៉ុស្តិ៍ឡើងប្រកួតនោះឡើយ។ ដោយមានការមមាញឹកខ្លាំងទៅលើការបង្ហាត់សិស្ស ក្នុងមួយថ្ងៃអ្នកលេងគុនខ្មែររូបនេះ បង្ហាត់ប្រដាល់គុនខ្មែរនិងល្បុក្កតោប្រហែលជា៦-៧ម៉ោងក្នុងមួយថ្ងៃ ហើយបើសរុបសិស្សទាំងអស់១០នាក់។
អ្នកប្រដាល់គុនខ្មែរល្បុក្កតោរូបនេះបន្តទៀតថា មិនមានពេលហ្វឹកហាត់គ្រប់គ្រាន់ដូចនេះទើបលោកមិនសូវចង់ឡើងប្រកួតនោះទេ ព្រោះមិនចង់ឡើងវ៉ៃទៅធ្វើមិនបានល្អ ឬចាញ់រហូតនោះទេ។ ក៏ប៉ុន្តែមិនបោះបង់សង្វៀនទាំងស្រុងនោះដែរ លោកនៅតែឆ្លៀតពេលហ្វឹកហាត់ដើម្បីប្រកួតម្ដងមួយកាលដែរ ព្រោះមិនចង់បង្ហាញមុខឲ្យអ្នកគាំទ្រខ្លួនបានឃើញនិងជាការរំលឹកក្បាច់គុនខ្លះៗឡើងវិញផងដែរ។
បច្ចុប្បន្ន Derek បារាំងដែលចេះក្បាច់គុនខ្មែរម្នាក់នេះ ជាគ្រូបង្ហាត់ប្រដាល់នៅក្លឹបកីឡា Prokout ក្រៅពីបង្ហាត់នៅទីនោះគេក៏មានសិស្សជាលក្ខណៈឯកជនខ្លះទៀតផងដែរ។ នៅថ្ងៃសៅរ៍ ទី១៨ ខែកុម្ភៈ ឆ្នាំ២០១៧ស្អែកនេះ អ្នកប្រដាល់រូបនេះនឹងត្រូវឡើងសង្វៀនប្រឈមជាមួយជើងខ្លាំងមកពីប្រទេសថៃជាគូរមិត្តភាពអមការប្រកួតខ្សែក្រវាត់របស់សង្វៀន CNC វេលាម៉ោង ៦ល្ងាចតទៅនេះ៕