មិនធម្មតាមែនក្មេងៗ មានសមត្ថភាពផ្នែកគំនូរ រហូតជាប់ជយលាភីថ្នាក់ជាតិគំនូររថយន្តតូយ៉ូតា

2017-03-18 05:21:15
ចំនួនមតិ 0 | ចំនួនចែករំលែក 0

ចន្លោះមិនឃើញ

លោក គង់ នួន ប្រធានក្រុមហ៊ុនតូយ៉ូតា(ខេមបូឌា) បានឲ្យដឹងថា សម្រាប់ការប្រកួតប្រជែងនាឆ្នាំនេះក្រុមហ៊ុនទទួលបានផ្ទាំងគំនូរពីបេក្ខជនដែលដាក់ពាក្យចូលរួមមានចំនួន ៤៧៥ ផ្ទាំង ដែលប្រមូលបានពីការប្រកួតគូរគំនូរនៅតាមសាលាឯកជនផ្សេងៗក្នុងក្រុងភ្នំពេញ។

ចំពោះកម្មវិធីប្រកួតប្រជែងគូរគំនូរនេះ ចាប់ផ្ដើមទទួលពាក្យនៅថ្ងៃទី ០១ ខែតុលា ឆ្នាំ ២០១៦ រហូតដល់ថ្ងៃទី ៣១ ខែមករា ឆ្នាំ ២០១៧។ ក្នុងចំណោមរូបគំនូរទាំង ៤៧៥ ផ្ទាំង យើងបានបែងចែកជាបីប្រភេទសំខាន់ៗ៖ ប្រភេទទី ១(សម្រាប់ក្មេងអាយុក្រោម ៨ ឆ្នាំ) មានចំនួន ៨៧ ផ្ទាំង ប្រភេទទី ២(សម្រាប់ក្មេងអាយុចាប់ពី ៨ឆ្នាំទៅ ១១ ឆ្នាំ) មានចំនួន ២៥២ ផ្ទាំង និងប្រភេទទីឲបី(សម្រាប់ក្មេងអាយុចាប់ពី ១២ ដល់ ១៥ ឆ្នាំ) មានចំនួន ១៣៥ ផ្ទាំង។

ក្រោយពីគណៈកម្មការបានធ្វើកំណែនិងវាយតម្លៃយ៉ាងសុក្រឹតនិងម៉ត់ចត់លើផ្ទាំងគំនូរទាំងនោះរួចមក យើងចម្រាញ់បានរូបគំនូរស្រស់ស្អាត និងអត្ថន័យល្អចំនួន ១១ ផ្ទាំង ហើយក្នុងនោះផងដែរ រូបគំនូរចំនួន ៩ ផ្ទាំង ទទួលបានជ័យលាភីថ្នាក់ជាតិ ដែលនឹងត្រូវបញ្ជូនទៅចូលរួមប្រកួតប្រជែងថ្នាក់ពិភពលោកនៅឯប្រទេសជប៉ុន ជាមួយនឹងរូបគំនូរជ័យលាភីពីបណ្ដាប្រទេសផ្សេងទៀត។

បញ្ជីឈ្មោះកុមារា និងកុមារិដេលទទួលបានជ័យលាភី មានដូចជា៖

#ប្រភេទអាយុក្រោម ៨ ឆ្នាំ

ចំណាត់ថ្នាក់លេខ ១៖ សួស ដេលីបុសា
ចំណាត់ថ្នាក់លេខ ២៖ អ៊ុក សុវណ្ណវត្តី
ចំណាត់ថ្នាក់លេខ ៣៖ វុាំង អៀងហ្គិច

#ប្រភេទអាយុក្រោម ៨ ឆ្នាំ ដល់ ១១ ឆ្នាំ

ចំណាត់ថ្នាក់លេខ ១៖ ផា មាលតី
ចំណាត់ថ្នាក់លេខ ២៖ ផាត អេលិតកតណា
ចំណាត់ថ្នាក់លេខ ៣៖ មេធ សុភារតនៈ

#ប្រភេទអាយុក្រោម ១២ ឆ្នាំ ដល់ ១៥ឆ្នាំ់

ចំណាត់ថ្នាក់លេខ ១៖ សេង ច័ន្ទដេវិត
ចំណាត់ថ្នាក់លេខ ២៖ យឿន ធារិទ្ធ
ចំណាត់ថ្នាក់លេខ ៣៖ លៀង ជហាណា

#ប្រភេទរូបគំនូរល្អបំផុត៖

ចំណាត់ថ្នាក់លេខ ១៖ ជា សុវណ្ណរិទ្ធ
ចំណាត់ថ្នាក់លេខ ២៖ ស៊ុក សុវណ្ណឡាពីន

ចំពោះជ័យលាភីថ្នាក់ពិភពលោកមាន មេដាយមាស ប្រាក់ សំរិទ្ធ រង្វាន់ពិសេសនិងរង្វាន់ចុងក្រោយ។ អ្នកទទួលបានមេដាយនិងរង្វាន់ពិសេស នឹងត្រូវបានទៅដំណើរទស្សនកិច្ចនៅប្រទេសជប៉ុន ដើម្បីចូលរួមពិធីប្រគល់រង្វាន់នៅខែ សីហា ជាមួយឪពុកម្ដាយឬអាណាព្យាបាលស្របច្បាប់ចំនួន ២ រូប។

កម្មវិធីគំនូររថយន្តក្នុងក្ដីស្រមៃថ្ងៃអនាគតធ្វើឡើងជាលើកទី ៧ ក្នុងប្រទេសកម្ពុជា ដោយឡែកនៅទូទាំងពិភពលោកប្រារព្ធធ្វើឡើងចំនួន ១១ លើករួចមកហើយ៕

អត្ថបទ៖ រក្សា