ញាក់សាច់! គូនេះ ឃីម ឌីម៉ា ផ្តួល ក្រុងថេប ឲ្យសន្លប់ក្នុងទឹកទី៥
- 2017-03-18 08:28:59
- ចំនួនមតិ 0 | ចំនួនចែករំលែក 0
ញាក់សាច់! គូនេះ ឃីម ឌីម៉ា ផ្តួល ក្រុងថេប ឲ្យសន្លប់ក្នុងទឹកទី៥
ចន្លោះមិនឃើញ
អ្នកប្រដាល់ឆ្លងដែនមកពីប្រទេសថៃ ខុន ក្រុងថេប ពិតជាខ្លាំងមែន ប៉ុន្តែមិនអាចស្វែងរកលទ្ធផលល្អបានឡើយសម្រាប់ការប្រកួតលើកទី២របស់ខ្លួននៅទឹកដីកម្ពុជា បន្ទាប់ពីជើងខ្លាំងកម្ពុជា ឃីម ឌីម៉ា វ៉ៃឲ្យលោកអាជ្ញាកណ្តាលរាប់៨ម្តង និងវាយឲ្យសន្លប់ក្នុងទឹកទី៥។
ការប្រកួតគូនេះពិតជាទាក់ភ្នែកខ្លាំងមែនទែនដោយសារកីឡាករថៃម្នាក់នេះពិតជាវ៉ៃបានល្អតាមរយៈរន្ទះជើងដ៏ធ្ងន់ និងកែងដ៏សាហាវរបស់គេ ប៉ុន្តែមិនអាចធ្វើអ្វីលើជើងខ្លាំនាគខ្មៅ ឃីម ឌីម៉ាបានឡើយ។ នៅទឹកទី៣ ឌីម៉ាបានវាយចំមួយកែងឲ្យលោកអាជ្ញាកណ្តាលរាប់កីឡាករថៃ៨ម្តង និងបន្តគ្រប់គ្រងការប្រកួតបានយ៉ាងល្អ បើទោះបីជាក្រុងថេបមានសន្ទុះវ៉ៃល្អតែដើមទឹកក៏ដោយ។ ចូលទឹកទី៥ ក្រុងថេប ហាក់ថយចុះកម្លាំងដែលបណ្តាលឲ្យ ឃីម ឌីម៉ា វាយជង្គង់ចូលពេញៗ និងកណ្តាប់ដៃចូលពោះទឹកជាញឹកញាប់រហូតធ្វើក្រុងថេបដួលសន្លបរហូតចេញក្អួតថែមទៀត៕
ទស្សនាវីដេអូវ៉ៃដ៏ជក់ចិត្ត!