ជំនន់ទឹកភ្លៀងរដូវក្ដៅនៅប៉េរ៉ូ ឆក់យកជីវិតមនុស្ស ៧៥នាក់
- 2017-03-20 07:28:05
- ចំនួនមតិ 0 | ចំនួនចែករំលែក 0
ជំនន់ទឹកភ្លៀងរដូវក្ដៅនៅប៉េរ៉ូ ឆក់យកជីវិតមនុស្ស ៧៥នាក់
ចន្លោះមិនឃើញ
ភ្លៀងធ្លាក់ដ៏អាក្រក់ និងទឹកទន្លេឡើងខ្លាំង បានបង្កឲ្យមានការបាក់ដី បាក់ទឹកកក និងទឹកហូរដូចផ្លេកបន្ទោរដែលជាគ្រោះមហន្តរាយកម្រកើតមាននៅប្រទេសប៉េរូ នាប៉ុន្មានថ្ងៃនេះ។
ក្រុមអ្នកជំនាញបានព្យាករណ៍ថា គ្រោះធម្មជាតិខាងលើនឹងបន្តមានភ្លៀងធ្លាក់នៅប៉ុន្មានថ្ងៃខាងមុខទៀត។ លក្ខណៈអាកាសធាតុបែបនេះបានឆក់យកជីវិតមនុស្ស ៧៥នាក់ហើយ។ កងកម្លាំងប្រដាប់អាវុធជាច្រើនបានដាក់បញ្ឈរជើងការពារប្រជាជននៅទូទាំង ៨១១ទីក្រុង ដែលបានប្រកាសដាក់រដ្ឋក្នុងភាពអាសន្ន។
ក្រុមបុគ្គលិកជំនួយនឹងចុះជួយផ្ទះប្រជាជនដែលរងការបំផ្លិចបំផ្លាញ និងអ្នកមិនមានកន្លែងជ្រកកោន។ អ្នកស្រុកម្នាក់អះអាងថា ពួកគេមិនមានអាហារ ហើយកូនៗមិនបានញ៉ាំនំប៉័ងរយៈពេល ១៥ថ្ងៃហើយ។ ពួកគេមិនមានទឹកស្អាតគ្រប់គ្រាន់ និងមិនអាចទៅធ្វើការបាន ថែមទាំងសិស្សសាលាមិនបានទៅរៀនថែមទៀត។
រដ្ឋាភិបាលប៉េរូនិយាយថា កាលពីឆ្នាំ ១៩៩៨ ជំនន់ទឹកភ្លៀងស្រដៀងនេះធ្លាប់បានសម្លាប់មនុស្សចំនួន ៣៧៤នាក់ និងជាង ៧ម៉ឺននាក់ផ្លាស់ទីផងដែរ៕