Ronaldo ឈ្នះពានផ្ទាល់ខ្លួនដ៏អស្ចារ្យ ប្រចាំឆ្នាំមួយទៀត
- 2017-03-21 02:06:17
- ចំនួនមតិ 0 | ចំនួនចែករំលែក 0
Ronaldo ឈ្នះពានផ្ទាល់ខ្លួនដ៏អស្ចារ្យ ប្រចាំឆ្នាំមួយទៀត
ចន្លោះមិនឃើញ
Cristiano Ronaldo តារាឆ្នើមក្រុម Real Madrid បានឈ្នះពានកីឡាករល្អបំផុត ក្នុងក្រុមជម្រើសជាតិព័រទុយហ្គាល់ប្រចាំឆ្នាំ២០១៦ កាលពីយប់មិញ។
កន្លងមក CR7 បានឈ្នះពានរង្វាន់ផ្ទាល់ខ្លួនអស្ចារ្យៗជាច្រើនមកហើយក្នុងឆ្នាំ២០១៦ ដោយក្នុងនោះឈ្នះពាន កីឡាករល្អបំផុត Ballon d'Or 2016, កីឡាករល្អបំផុតលើពិភពលោករបស់ FIFA 2016 និងកីឡាករល្អបំផុតនៅតំបន់អឺរ៉ុប UEFA 2016 ទៀតផង។ ប៉ុន្តែយប់មិញ បានឈ្នះពានកីឡាករព័រទុយហ្គាល់ ល្អបំផុតប្រចាំឆ្នាំ២០១៦ទៀត បន្ទាប់ពីរួមចំណែកឲ្យជម្រើសជាតិព័រទុយហ្គាល់ ឈ្នះពាន Euro 2016 នៅទឹកដីបារាំង។
“២០១៦ ជាឆ្នាំដ៏ពិសេសសម្រាប់ខ្ញុំ ព្រោះ Euro ជាពានរង្វាន់ ដែលខ្ញុំមិនដែលឈ្នះ។ ខ្ញុំចង់អរគុណ ដល់ប្រជាជនព័រទុយហ្គាល់ទាំងអស់ម្តងទៀត។ ពួកគេបានជួយឲ្យយើង មានទំនុកចិត្ត ដើម្បីអាចលើកពានរង្វាន់។ ខ្ញុំសូមអរគុណ ដល់មិត្តរួមក្រុម Real Madrid មិត្តរួមក្រុមជម្រើសជាតិព័រទុយហ្គាល់ គ្រូបង្វឹក បុគ្គលិក និងអ្នកគាំទ្រទាំងអស់”។ កីឡាករវ័យ៣២ឆ្នាំ បានថ្លែង៕