ណាហ្គាវើលប្រកួតក្រោយៗត្រូវតែឈ្នះដើម្បីជាប់ប្រជែងយកពាន

2017-03-21 03:22:11
ចំនួនមតិ 0 | ចំនួនចែករំលែក 0

ចន្លោះមិនឃើញ

មាស ចាន់ណា ក្រុមបាល់ទាត់ណាហ្គាវើល ត្រូវតែឈ្នះនៅប្រកួតក្រោយៗដើម្បីស្ថិតនៅចំណាត់ថ្នាក់ល្អមួយដើម្បីប្រជែងយកពានរង្វាន់លីគកំពូលកម្ពុជារដូវការ២០១៧នេះ។

លោក មាស ចាន់ណា

លោក មាស ចាន់ណា ដែលជាគ្រូបង្គោលរបស់ក្រុមបាល់ទាត់ណាហ្គាវើលបានឲ្យដឹងថា ការប្រកួតសប្ដាហ៍ទី៥កន្លងទៅបានត្រឹមស្មើវាជារឿងគួរឲ្យស្ដាយនិងខាតពិន្ទុសម្រាប់ក្រុមលោក ដែលមុនការប្រកួតកើតឡើងគ្រូបង្វឹករូបនេះគិតថាអាចនិងឈ្នះក្រុមខេមបូឌានថាយហ្គឺ បាន៣ពិន្ទុបូកបន្ថែមទៀត។

គ្រូបង្វឹកដែលមានបទពិសោធន៍ច្រើនរូបនេះបន្ថែមទៀតថា ចាប់ពីប្រកួតក្រោយៗទៅក្រុមរបស់លោកត្រូវតែខំប្រឹងប្រែងឲ្យខ្លាំងជាងនេះទៅទៀត ដើម្បីយកឈ្នះក្រុមផ្សេងៗ ជាពិសេសទៀតនោះក្រុមដែលលោកគិតថាមិនស្ថិតនៅចំណាត់ថ្នាក់ Top 4 ក្នុងពានរង្វាន់លីគកំពូលរដូវការនេះ។ មានន័យថាក្រុមដែលមិនមានលទ្ធភាពឬកម្រិតបច្ចេកទេសនៅទាប ដាច់ខាតកូនក្រុមរបស់លោកត្រូវតែយកឈ្នះឲ្យបានដើម្បីសន្សំពិន្ទុ និងរក្សាចំណាត់ថ្នាក់ល្អមួយដើម្បីប្រជែងយកពានរដូវការនេះ។

កីឡាករ ណាហ្កាវើល និងកីឡាករទ័ព អាវទឹកក្រូច

កីឡាករ ណាហ្គាវើល

ណាហ្កាវើល នឹងត្រូវជួបជាក្រុមបាល់ទាត់ វេស្ទើន នៅសប្ដាហ៍ទី៦ នៃពានរង្វាន់លីគកំពូលកម្ពុជាឆ្នាំ២០១៧នេះ បច្ចុប្បន្នក្រុមរបស់លោក មាស ចាន់ណា មួយនេះស្ថិតនៅចំណាត់ថ្នាក់លេខ៤ ក្នុងនោះឈ្នះ២ ស្មើ២ និងចាញ់មួយប្រកួត មាន៨ពិន្ទុ៕

អត្ថបទ៖ នួន ស៊ីណា