ចង់បង្ហាញការគាំទ្រដល់ជម្រើសជាតិ មានកន្លែងផាត់គូល័រលើផ្ទៃមុខហ្វ្រីៗ

2017-03-21 09:42:57
ចំនួនមតិ 0 | ចំនួនចែករំលែក 0

ចន្លោះមិនឃើញ

ការប្រកួតបាល់ទាត់មិត្តភាពអន្តរជាតិ CLEAR នឹងចាប់ផ្តើមវេលាម៉ោង៦:៣០នាទីល្ងាចស្អែកហើយរវាងក្រុមម្ចាស់ផ្ទះកម្ពុជា និងជម្រើសជាតិឥណ្ឌា។ វត្តមានអ្នកទស្សនាដ៏ច្រើនកុះករជាសញ្ញានៃការគាំទ្រដល់ក្រុមជម្រើសជាតិកម្ពុជា ប៉ុន្តែបើបានផាត់ពណ៌លើផ្ទៃមុខ ពាក់អាវជម្រើសជាតិ និងកាន់ទង់ជាតិកម្ពុជារឹតតែតែពិសេសអស្ចារ្យថែមទៀត។

ដូចសព្វមួយដងអីចឹង ក្រុមការងារ CLEAR ដែលបានប្តេជ្ញាជួយលើកកម្ពស់ដល់វិស័យបាល់ទាត់កម្ពុជាឲ្យរីកចម្រើនបានត្រៀមខ្លួនយ៉ាងពិសេសដើម្បីបម្រើដល់អ្នកគាំទ្រក្នុងនោះមានរៀបចំកន្លែងនៅច្រកចូលធំដើម្បីផាត់ពណ៌កូល័រទង់ជាតិក៏ដូចជាសញ្ញាផ្សេងៗលើផ្ទៃមុខដល់អ្នកគាំទ្រដោយឥតគិតថ្លៃ។ លោកអ្នកធ្លាប់ឃើញសកម្មភាពអ្នកគាំទ្រនៅប្រទេសផ្សេងៗ ជាពិសេសតំបន់អឺរ៉ុបតែងតែគូរមុខមាត់ដោយសញ្ញាផ្សេងៗដើម្បីបង្ហាញក្តីស្រលាញ់ដល់ក្រុមរបស់ខ្លួន។ ដូច្នេះនៅកម្ពុជា អ្នកគាំទ្រក៏អាចធ្វើបានដែរដោយគ្រាន់តែចំណាយពេលបន្តិចដើម្បីបុគ្គលិក CLEAR ផាត់ពណ៌ឲ្យគឺរួចជាការស្រេច។ មិនត្រឹមតែបម្រើអ្នកគាំទ្រចំពោះការផាត់ពណ៌ប៉ុណ្ណោះទេ ក៏មានសកម្មភាពកម្សាន្តសប្បាយរីករាយជាច្រើនទាំងមុនការប្រកួត និងពេលសម្រាកពាក់កណ្តាលការប្រកួត។

នេះជាការប្រកួតមិត្តភាពអន្តរជាតិលើកទី១នៅឆ្នាំ២០១៧សម្រាប់ក្រុមបាល់ទាត់ជម្រើសជាតិកម្ពុជា និងស្ថិតក្រោមការដឹកនាំរបស់គ្រូបង្វឹកថ្មីសញ្ជាតិប្រេស៊ីល Leonardo Vitorino។ ការប្រកួតមិត្តភាពអន្តរជាតិ CLEAR នេះនឹងធ្វើឡើងនៅពហុកីឡដ្ឋានជាតិ វេលាម៉ោង៦:៣០ល្ងាចស្អែក និងផ្សាយផ្ទាល់ដោយទូរទស្សន៍ BTV។

ត្រៀមខ្លួនរួចហើយឬនៅដើម្បីគាំទ្រដល់ក្រុមជម្រើសជាតិកម្ពុជាទាំងអស់គ្នា?