៣រាជធានីខេត្តប្រកួតដណ្ដើមមេដាយវាយសីក្នុងពិធីបុណ្យទន្លេ ២០១៧

2017-03-25 15:13:26
ចំនួនមតិ 0 | ចំនួនចែករំលែក 0

ចន្លោះមិនឃើញ

ដើម្បីអបអសាទរក្នុងពិធីបុណ្យទន្លេនៅខេត្តស្ទឹងត្រែងដែលមានព្រំប្រទល់ជាប់ប្រទេសឡាវនោះ កីឡាវាយសីក៏ចូលរួមប្រកួតយកមេដាយដូចកីឡាផ្សេងៗទៀតដែរ ហើយក្នុងនោះ ខេត្តនិងធានីចំនួន៣ចាប់ផ្ដើមប្រកួតជម្រុះតាំងពីព្រឹកថ្ងៃទី២៤ ខែមីនា។

លោក ជា ប៊ុនហេង

លោក ជា ប៊ុនហេង ប្រធានអង្គភាពកីឡាក្រសួងមហាផ្ទៃ បានឲ្យដឹងកាលពីរសៀលថ្ងៃសុក្រ ទី២៤ ខែមីនា ឆ្នាំ២០១៧ថា ដើម្បីរួមចំណែកក្នុងការអបអរពិធីបុណ្យទន្លេលើកទី៣នេះ អង្គភាពកីឡាក្រសួងមហាផ្ទៃ បានលើកកម្មវិធីប្រកួតវាយសីមិត្តភាពនគរបាលជាតិប្រចាំឆ្នាំធ្វើនាពេលនេះតែម្ដង។ កីឡាករដែលមកចូលរួមនៅពេលនេះមានដូចជា តំណាងខាងខេត្តស្ទឹងត្រែងជាម្ចាស់ផ្ទះ ខេត្តរតនគីរី និងកីឡាករមកពីក្រសួងមហាផ្ទៃ ដែលត្រូវជា១២ក្រុម និងចែកចេញជា៤វិញ្ញាសា រួមមានទី១ វិញ្ញាសា វ័យ៣០ឆ្នាំ, វ័យ៤០ឆ្នាំ, វ័យ៥០ឆ្នាំ និងវ័យ៦០ឆ្នាំ។

កីឡាករកំពុងប្រកួតជម្រុះ

ប្រធានអង្គភាពរូបនេះបន្តទៀតថា សម្រាប់ការប្រកួតនេះដែរលមានរយៈពេលតែមួយថ្ងៃកន្លះនោះទេ ដោយឡែកវិញ្ញាសាវ័យ ៣០ឆ្នាំបញ្ចប់នៅថ្ងៃទី២៤តែម្ដង ខណៈព្រឹកស្អែកទើបប្រកួតផ្ដាច់ព្រ័ត្រយកជើងឯកវិញ្ញាសា៣ទៀត។ ចំពោះប្រាក់រង្វាន់គឺទទួលបានការឧបត្ថម្ភទាំងស្រុងពីសម្ដេចក្រឡាហោម ស ខេង ជយលាភីលេខ១ គឺបានមេដាយ១ ទឹកប្រាក់៥០ម៉ឺនរៀល ឧបករណ៍វាយសីមួយចំនួន រីឯលេខ២ បានមេដាយ១ ប្រាក់រង្វាន់៤០ម៉ឺនរៀល សម្ភារនិងឧបករណ៍វាយសីមួយចំនួន និងលេខ៣ មេដាយ១ សម្ភារនិងឧបករណ៍វាយសីមួយចំនួន៕

អត្ថបទ៖ នួន ស៊ីណា