មុខងារ ២ នេះបើកកុំរំលង បើអ្នកប្រើ iPhone ចូលចិត្តចុចលេងនៅពេលយប់

2017-03-24 11:39:00
ចំនួនមតិ 0 | ចំនួនចែករំលែក 0

ចន្លោះមិនឃើញ

បច្ចុប្បន្នមនុស្សជាច្រើនមិនថាចាស់មិនថាក្មេង ច្រើនរមែងចុចប្រើប្រាស់ស្មាតហ្វូនលេងនេះលេងនោះមុនពេលចូលដំណេក។ នៅពេលដែលយើងប្រើប្រាស់ iPhone នៅទីងងឹតនាំឲ្យប៉ះពាល់ភ្នែក ដែលគួរមានវិធីការពារមួយចំនួន ដោយគ្រាន់តែស្វែងយល់ឱ្យស៊ីជម្រៅពីការបើកមុខងារពិសេសទាំង ២ នេះ។

១. បើកមុខងារ Night Shift

ប្រិយមិត្តអ្នកប្រើប្រាស់គួរនិយមកុំរំលងក្នុងការបើកមុខងារនេះ ពីព្រោះវាអាចជួយឱ្យផ្ទៃអេក្រង់ប្រែក្លាយទៅជាពណ៌រាងលឿងស្រអាប់ បែបនេះក៏វាជំរុញឱ្យពន្លឺដែលជះចេញពីអេក្រង់មានសភាពភ្លឺតិចផងដែរ។

អ្នកអាចបើកមុខងារ Night Shift ដោយចុចអូសពីផ្នែកអេក្រង់ខាងក្រោមមកលើ ក្រោយពេលដែលអ្នកឃើញផ្ទាំង Control Center សូមធ្វើការចុចលើរូបព្រះអាទិត្យជាការស្រេច។

២. បើកមុខងារ Invert Colors

ប្រិយមិត្តខ្លះគាត់ក៏ចូលចិត្តអានរឿងប្រលោមលោករបស់ Sabay មុនចូលដំណេកមែនទេ? បើមិនចង់ឱ្យប៉ះពាល់ដល់បញ្ហាភ្នែក ហើយអាចមើលអក្សរច្បាស់នៅទីតាំងងងឹតអ្នកគ្រាន់តែបើកមុខងារមួយនេះក៏ស្រួលបាត់ទៅហើយ។

Invert Colors ជាមុខងារម្យ៉ាងដែល Apple បង្កើតឡើងឱ្យផ្ទៃអេក្រង់ទាំងមូលប្រែក្លាយទៅជាពណ៌ខ្មៅ ដែលជាកត្តាជំរុញឱ្យអក្សរដែលធម្មតាមានពណ៌ស ផុសឡើងដិតច្បាស់ជាងមុន (នៅទីងងឹត) ហើយពន្លឺដែលជះចេញពីអេក្រង់ទាំងអស់គឺត្រូវបានកាត់បន្ថយទាំងស្រុង។