បុរសវ័យ៤៤ឆ្នាំ មហិច្ឆតាធំ រត់ត្រឹកៗពីអាល្លឺម៉ង់ ឲ្យដល់ក្រុងសៀងហៃប្រទេសចិន
- 2017-03-26 01:41:36
- ចំនួនមតិ 0 | ចំនួនចែករំលែក 0
បុរសវ័យ៤៤ឆ្នាំ មហិច្ឆតាធំ រត់ត្រឹកៗពីអាល្លឺម៉ង់ ឲ្យដល់ក្រុងសៀងហៃប្រទេសចិន
ចន្លោះមិនឃើញ
បុរសជនជាតិអាល្លឺម៉ង់ម្នាក់ ដែលមកទល់ពេលនេះកំពុងធ្វើដំណើរឆ្ពោះទៅកាន់ប្រទេសចិន ដោយការរត់ កំពុងធ្វើឲ្យមនុស្សជាច្រើនភ្ញាក់ផ្អើល នឹងមហិច្ឆតារបស់លោក។ នេះបើយោងតាម សារព័ត៌មាន Shanghaiist។
បុរសអាល្លឺម៉ង់ខាងលើមានឈ្មោះថា Kai Markus Xiong បានគ្រោងទុកថា ការរត់ត្រឹកៗពីទីក្រុង Hamburg ទៅកាន់ក្រុងសៀងហៃ ឆ្លងកាត់៨ប្រទេស នឹងចំណាយពេលអស់ប្រហែល ២៣៥ថ្ងៃ។ យ៉ាងណាមិញ បើលោកធ្វើដំណើរតាមយន្តហោះ ផ្ទាល់ពីអាល្លឺម៉ង់ទៅ ចិនគឺប្រើពេលតែ១២ម៉ោងប៉ុណ្ណោះ។
តាមនាឡិកាស្ទង់ ពេលនេះ បុរសវ័យ៤៤ឆ្នាំ រត់បាន ១៤៩ ១៩៣ជំហានរួចមកហើយ ដោយចេញដំណើរតាំងពីថ្ងៃ ទី១២ ខែមីនាកន្លងទៅ។ មកទល់ពេលនេះ លោកកំពុងស្ថិតនៅចំណុចកណ្ដាលនៃប្រទេសប៉ូឡូញ។
ការធ្វើដំណើរ ១២០០០គីឡូម៉ែត្ររបស់លោក នឹងត្រូវឆ្លងកាត់ ប្រទេសបេឡារូស រុស្ស៊ី កាហ្សាក់ស្ថាន អ៊ូបេគីស្ថាន និងប្រទេសមួយចំនួនទៀត។ សម្រាប់អ្នកមានចំណាប់ចង់តាមដាន ការធ្វើដំណើររបស់លោក ក៏អាចទស្សនាក្នុងវេបសាយ runmysilkroad.com បានផងដែរ៕