ករុណា ពេជ្រ ភ្ជាប់ពាក្យហើយ?

2017-03-27 05:58:39
ចំនួនមតិ 0 | ចំនួនចែករំលែក 0

ចន្លោះមិនឃើញ

រូបភាពក្នុងកម្មវិធីភ្ជាប់ពាក្យប៉ុន្មានសន្លឹក ដែលមានលោក ករុណា ពេជ្រ ក្នុងនោះ ត្រូវបានបង្កជាការភ្ញាក់ផ្អើលយ៉ាងខ្លាំងលើនៅលើបណ្ដាញសង្គម ដោយប្រិយមិត្តយល់ថា អ្នកគ្រប់គ្រងផលិតកម្មថោនរូបនេះ បានភ្ជាប់ពាក្យហើយ។

ភ្លាមៗ មិនទាន់មានការបកស្រាយពីសាម៉ីខ្លួននៅឡើយ ទើបជាហេតុធ្វើឲ្យអ្នកគាំទ្រយល់ថាជាការពិត។ ប៉ុន្តែពាក់ព័ន្ធបញ្ហានេះ លោក ករុណា បានបញ្ជាក់ប្រាប់ Sabay ថា មិនមែនជាពិធីភ្ជាប់ពាក្យរបស់លោកទេ។

អម្បាញ់មិញនេះ ករុណា ពេជ្រ តបមកកាន់ Sabay ថា ៖ "អត់ទេនេះ នោះគឺជារូបដែលបងប្អូនបងភ្ជាប់ពាក្យពីថ្ងៃមុន ហើយបងក៏ចូលថតលេងជាមួយប៉ាម៉ាក់ទៅ"។

មិនត្រឹមតែប៉ុណ្ណោះ អ្នកចាត់ការទូទៅផលិតកម្មថោន បញ្ជាក់ទៀតថា ឥឡូវនេះខ្លួនកំពុងនៅឯខេត្តកំពង់ចាម រៀបចំការងារផ្សព្វផ្សាយរឿង "ទឹកចិត្តម្ដាយសម័យថ្មី" មិនបាននៅកម្មវិធីភ្ជាប់ពាក្យអ្វីនោះទេ៕