តម្លៃជិះរថភ្លើងពីភ្នំពេញ ទៅខេត្តព្រះសីហនុធូរថ្លៃតើ តោះជិះទៅលេងចូលឆ្នាំទាំងអស់គ្នា
- 2017-03-29 02:25:18
- ចំនួនមតិ 0 | ចំនួនចែករំលែក 0
តម្លៃជិះរថភ្លើងពីភ្នំពេញ ទៅខេត្តព្រះសីហនុធូរថ្លៃតើ តោះជិះទៅលេងចូលឆ្នាំទាំងអស់គ្នា
ចន្លោះមិនឃើញ
ប្រិយមិត្តមួយចំនួនដែលមិនធ្លាប់ជិះរថភ្លើងពីភ្នំពេញទៅខេត្តព្រះសីហនុ ប្រាកដជាចង់ដឹងពីតម្លៃហើយមែនទេ? កាលពីថ្មីៗនេះ ក្រសួងសាធារណការ និងដឹកជញ្ជូនបានបង្ហាញតម្លៃសំបុត្ររថភ្លើងពីភ្នំពេញទៅ ខេត្តព្រះសីហនុ គឺ ២៨,០០០ រៀល ឬស្មើនឹង ៧ដុល្លារប៉ុណ្ណោះ។ នេះបើតាមទំព័រហ្វេសប៊ុកផ្លូវការរបស់ ក្រសួងសាធារណការ។
គួរបញ្ជាក់ផងដែរថា កន្លងទៅបង Sabay បានធ្វើដំណើរ តាមរថភ្លើងទៅលេងខេត្តកំពតក៏បានសួរនាំបុគ្គលិករៀបចំមធ្យោបាយធ្វើដំណើររបស់ភ្ញៀវពីព័ត៌មានមួយចំនួន។ លោក ឡុង ជាបុគ្គលិកបម្រើភ្ញៀវ ផ្នែកលើកដាក់ម៉ូតូ-ឡាន លើទូរថភ្លើងបានប្រាប់ថា សម្រាប់តម្លៃសំបុត្រដាក់ម៉ូតូដឹកតាមរថភ្លើង ក្នុងមួយគ្រឿងគឺ ៥ដុល្លារ ចំណែករថយន្តក្នុងមួយគ្រឿងគឺ ១៤ដុល្លារ។ ដឹកពីរាជធានីភ្នំពេញ ទៅដល់ រ៉ារថភ្លើងខេត្តតាកែវ ខេត្តកំពត និងខេត្តព្រះសីហនុ។
ចំពោះសំបុត្ររថភ្លើងត្រូវរកទិញនៅស្ថានីយ រយៈពេលពី ពីរ ឬបីថ្ងៃមុន។ សេវាកម្មរថភ្លើងចេញដំណើរទៅកាន់ខេត្ត តាកែវ ខេត្តកំពត និងខេត្តព្រះសីហនុ តែនៅរៀងរាល់ថ្ងៃ សុក្រ សៅរ៍ អាទិត្យ និងថ្ងៃឈប់សំរាកធំៗ។ សំបុត្រសម្រាប់អ្នកដំណើរ គឺមានតម្លៃ ៦ដុល្លារ ពីភ្នំពេញទៅខេត្ត កំពត និង៧ដុល្លារ ពីភ្នំពេញទៅខេត្តព្រះសីហនុ៕
ខាងក្រោមនេះជាកាលវិភាគ និងតម្លៃសេវារថភ្លើងកម្ពុជា ដឹកអ្នកដំណើរ៖