បុរសល្បីយកស្កុតរុំមាត់សុនខ ត្រូវជាប់ពន្ធនាគារច្រើនឆ្នាំមិននឹកស្មាន

2017-03-29 02:46:24
ចំនួនមតិ 0 | ចំនួនចែករំលែក 0

ចន្លោះមិនឃើញ

បុរសជនជាតិអាមេរិក William Dodson ដែលត្រូវសារព័ត៌មានស្ទើរជុំវិញពិភពលោកចុះផ្សាយពីការធ្វើទារុណកម្មសុនខរបស់ខ្លួនកាលពីឆ្នាំ ២០១៥ ពេលនេះត្រូវបានតុលាការកាត់ទោសឲ្យជាប់ពន្ធនាគារហើយ។

កាលពីថ្ងៃទី ២៤ មិនា លោក Dodson ត្រូវបានតុលាការសហរដ្ឋសម្រេចទោសឲ្យជាប់ពន្ធនាគារដល់ទៅ ៥ឆ្នាំ ទោះមានការសុំលើកលែងទោសក៏ដោយ។ លោកប្រាប់មូលហេតុដែលធ្វើដាក់សុនខបែបនេះថា ខ្លួនចង់បានភាពស្ងប់ស្ងាត់ ក៏សម្រេចយកស្កុតរុំមាត់របស់វា ដើម្បីកុំឲ្យព្រុស។

កាលឆ្នាំ ២០១៥ បុរសវ័យ ៤៣ឆ្នាំខាងលើ បានដាក់ច្រវាក់សុនខ Caitlyn បន្ទាប់ពីយកស្កុតរុះមាត់របស់វា ៩ ជាន់។ សុនខអភ័ព្វ បានព្យាយាមរើចេញប៉ុន្តែស្ថានភាពហាក់ធ្ងន់ធ្ងរពេកព្រោះមានឈាមហូរតាមអណ្ដាត។

បើយោងទៅតាមសហគមន៍សត្វ The Charleston អះអាងថាការចងនេះ គឺតឹងខ្លាំងណាស់ ដោយក្រុមសង្គ្រោះបានចំណាយពេលជាង ៣៦ម៉ោង ដើម្បីយកស្កុតនោះចេញ។ ចំណែកសុនខញី ត្រូវការវះកាត់ជាច្រើនដងដើម្បីព្យាបាលរបួសរលាក ឯអណ្ដាតមួយផ្នែកនឹងត្រូវកាត់ចេញ។ ពេលនេះ Caitlyn បានរស់នៅជាមួយគ្រួសារថ្មីយ៉ាងមានសេចក្ដីសុខ៕