អាម៉ាប់ប្ដូរពីដើរលេងផឹកស៊ីជាមួយមិត្ត មកកំដរប្រពន្ធនិងចៅដើរលេង

2017-03-29 03:40:48
ចំនួនមតិ 0 | ចំនួនចែករំលែក 0

ចន្លោះមិនឃើញ

តារាហុងកុង Sammo Hung គ្រប់គ្នាតែហៅ អាម៉ាប់បានផ្លាស់ប្ដូរច្រើនក្នុងការជួបជុំមិត្តភ័ក្ដិក្នុងភោជនីយដ្ឋាននិងក្លឹបកម្សាន្ត ជំនួសមកវិញចំណាយពេលជាមួយគ្រួសារ ពេលដែលទំនេរពីការថតរឿង។

នៅព្រឹកនៅទី ២៨ ខែ មីនា តារាជើងចាស់វ័យ៦៥ឆ្នាំត្រូវគេប្រទះឃើញដើរផ្សារនិងចូលញ៉ាំអាហារជាមួយប្រពន្ធនិងចៅប្រុស។ តាមសកម្មភាព លោកតានិងលោកយាយទាំងពីរហាក់ស្រឡាញ់ចៅសំណព្វចិត្តខ្លាំង ហើយរូបទាំងនោះធ្វើឲ្យមនុស្សជាច្រើនកោតសរសើរ។

ប្រភពផ្ទៃក្នុងមួយធ្លាប់បានលើកឡើងថា ចាប់តាំងពីសុខភាពកាន់តែយ៉ាប់យ៉ឺន Sammoបារម្ភច្រើនពីក្រុមគ្រួសារ។ តារាប្រុសរូបនេះក៏ធ្លាប់ប្រាប់ប្រពន្ធទី២របស់ខ្លួនអ្នកស្រី Joyce Godenzi ដែរថា ស្ដាយដែលមិនអាចមានកូនជាមួយគ្នា។ Sammo មានកូន៤នាក់ អំឡុងពេលរស់នៅជាមួយប្រពន្ធទី១ជាជនជាតិកូរ៉េអ្នកស្រី Jo Yun Ok តែក៏បានលែងលះគ្នានៅឆ្នាំ១៩៩៤៕