Messi តវ៉ាថាមិនបានជេរអាជ្ញាកណ្ដាលទេ គ្រាន់តែ«ជេរខ្យល់»
- 2017-03-30 02:00:40
- ចំនួនមតិ 0 | ចំនួនចែករំលែក 0
Messi តវ៉ាថាមិនបានជេរអាជ្ញាកណ្ដាលទេ គ្រាន់តែ«ជេរខ្យល់»
ចន្លោះមិនឃើញ
Lionel Messi ប្រធានក្រុមជម្រើសជាតិអាហ្សង់ទីន បានចេញមកនិយាយបកស្រាយនិងតវ៉ាថា ខ្លួនមិនបានជេរប្រមាថលើអាជ្ញាកណ្ដាលខ្សែបន្ទាត់នោះទេ គ្រាន់តែជេរខ្យល់ប៉ុណ្ណោះ។
តារាឆ្នើមក្រុម FC Barcelona ត្រូវបាន FIFA ពិន័យ៤ប្រកួតពីក្រុមជម្រើសជាតិ និងពិន័យជាប្រាក់ប្រហែល៨១០០ផោនទៀត បន្ទាប់ពីរូបគេប្រើពាក្យជេរប្រមាថលើអាជ្ញាកណ្ដាលខ្សែបន្ទាត់ Emerson Augusto do Carvalho ក្នុងការប្រកួតជម្រុះ World Cup 2018 ឈ្នះឈីលី ១-០ កាលថ្ងៃសុក្រសប្ដាហ៍មុន។
សហព័ន្ធបាល់ទាត់អាហ្សង់ទីន បញ្ជាក់ថានឹងតវ៉ាដល់ FIFA ចំពោះករណីនេះ ហើយក្លឹប Barcelona ក៏យល់ថាមិនសមពិន័យ Messi នោះដែរ។ រីឯ Messi ខ្លួនឯងផ្ទាល់ ក៏យល់ថា ការពិន័យនេះមិនយុត្តិធម៌ដូចគ្នា ព្រោះរូបគេគ្មានចេតនាជេរប្រមាថលើអាជ្ញាកណ្ដាលនោះទេ។
“ពាក្យសម្ដីរបស់ខ្ញុំ មិនបានសំដៅទៅជំនួយការអាជ្ញាកណ្ដាលទេ ប៉ុន្តែវាសំដៅទៅខ្យល់ប៉ុណ្ណោះ”។ កីឡាករវ័យ២៩ឆ្នាំ បានប្រាប់ដល់សារព័ត៌មានអាហ្សង់ទីន La Nacion៕