Sadio Mane តាមស្មើកំណត់ត្រា Suarez នៅក្រុមហង្សក្រហម Liverpool
- 2017-04-02 03:35:02
- ចំនួនមតិ 0 | ចំនួនចែករំលែក 0
Sadio Mane តាមស្មើកំណត់ត្រា Suarez នៅក្រុមហង្សក្រហម Liverpool
ចន្លោះមិនឃើញ
ខ្សែបម្រើប្រយុទ្ធចំណូលថ្មី Sadio Mane របស់ក្រុមហង្សក្រហម Liverpool បានតាមស្មើកំណត់ត្រា Luis Suarez មួយ បន្ទាប់ពីរូបគេស៊ុតចូលក្រុម Everton ក្នុងការប្រកួត Premier League នៅកីឡដ្ឋាន Anfield កាលពីយប់មិញទៀត។
កីឡាករជម្រើសជាតិសេណេហ្គាល់ បានស៊ុតគ្រាប់បើកឆាក នៅនាទីទី៨ រួមចំណែកជួយឲ្យ Liverpool ឈ្នះ Everton ៣-១ កាលពីយប់មិញ។ ១គ្រាប់នេះ មានន័យថា Mane គឺជាកីឡាករដំបូងគេ ដែលអាចស៊ុតចូលក្នុងប្រកួត Merseyside Derby នៅ Premier League ទាំង២ជើង ក្នុង១រដូវកាល ពោលគឺស្មើគ្នានឹង Suarez និង Daniel Sturridge ធ្លាប់ធ្វើបានកាលរដូវកាល២០១៣-២០១៤។
គិតត្រឹមពេលនេះ Mane ស៊ុតឲ្យ Liverpool សរុប១៣គ្រាប់ Assists ៥ដង ជា Top Scorer របស់ក្លឹបបច្ចុប្បន្ន ខណៈដែល Roberto Firmino ជា Top Scorer លំដាប់ទី២ ស៊ុតបាន១០គ្រាប់។ ប៉ុន្តែកីឡាករវ័យ២៤ឆ្នាំរូបនេះ បានរងរបួសជង្គង់យប់មិញ អាចនឹងត្រូវអវត្តមានច្រើនប្រកួតខាងមុខ៕