ហាត់ក្បាច់គុនដល់កម្រិត ប្រើប្រដាប់ភេទ អូសឡាន៧គ្រឿង ទម្ងន់ជាង១២តោន

2017-04-04 08:18:28
ចំនួនមតិ 0 | ចំនួនចែករំលែក 0

ចន្លោះមិនឃើញ

បុរសជនជាតិចិនម្នាក់ បានបង្ហាញឲ្យគ្រប់គ្នាបានភ្លឺភ្នែក នូវលទ្ធផលក្រោយការហ្វឹកហាត់ក្បាច់គុនកុងហ្វូដ៏លំបាករបស់ខ្លួន ដោយប្រើប្រដាប់ភេទ (ពងស្វាស) អូសរថយន្ត។

លោក Ye Wei

លោក Ye Wei បានអូសរថយន្ត ម៉ាក Audi ចំនួន៧គ្រឿង មានទម្ងន់សរុបរហូតដល់ទៅ ១២តោន ដោយប្រើខ្សែចងភ្ជាប់ជាមួយប្រដាប់ភេទរបស់លោក កាលពីថ្ងៃទី៣០ ខែមីនា កន្លងទៅនេះ នៅក្នុងខេត្ត Shandong ប្រទេសចិន។ បុរសវ័យ៣៩ឆ្នាំរូបនេះ បានបំបែកកំណត់ត្រាផ្ទាល់ខ្លួន កាលពីឆ្នាំមុន (អូសរថយន្ត៥គ្រឿង) បន្ទាប់ពីអូសរថយន្តទាំង៧គ្រឿងខាងលើ បានចម្ងាយ៨ម៉ែត្រ។

លោក Ye បានអះអាងឲ្យដឹងថា ការសម្ដែងរបស់លោក គឺជាក្បាច់កុងហ្វូមួយ ដែលគេហៅថា Xi Sui Gong ឬ Xi Sui Technique។ លោកបានបន្ថែមថា វាត្រូវបានអនុវត្តដោយពួកតាវនិយម ដើម្បីជួយឲ្យលទ្ធភាពមានកូនកាន់តែប្រសើរឡើង។

ជាមួយគ្នានេះដែរ លោក Ye បានប្រាប់ឲ្យដឹងទៀតថា លោកបានហាត់ក្បាច់គុនកុងហ្វូ អស់រយៈពេលប្រហែល ៣០ឆ្នាំមកហើយ ហើយលោកធ្វើការជាគ្រូ នៅសាលាបង្រៀនក្បាច់គុនចំនួន៣កន្លែងឯណោះ។