មូលហេតុចម្បង៣ ដែលសហព័ន្ធបញ្ជូនកីឡាករទៅវ៉ៃនៅបារាំង

2017-04-14 04:24:00
ចំនួនមតិ 0 | ចំនួនចែករំលែក 0

ចន្លោះមិនឃើញ

មានហេតុផល៣ ដែលសហព័ន្ធប្រដាល់គុនខ្មែរ សម្រេចបញ្ជូនកីឡាករជើងខ្លាំង៣រូប ទៅចូលរួមប្រកួតនៅប្រទេសបារាំងនៅថ្ងៃទី១៥ ខែមេសា ឆ្នាំ២០១៧នេះ។

លោក ម៉ិល កាដូ

លោក ម៉ិល កាដូ អគ្គលេខាធិការសហព័ន្ធប្រដាល់គុនខ្មែរឲ្យដឹងថា សម្រាប់ការបញ្ជូនកីឡាករជើងខ្លាំងទាំង៣ រួមមាន សេន ប៊ុនថេន ម៉ឺន សុភា និងកីឡាករ ឡៅ ចន្រ្ទា ទៅប្រកួតដណ្ដើមខ្សែក្រវាត់នៅប្រទេសបារាំងនេះក្នុងគោលបំណងទី១ គឺចង់វាស់ស្ទង់កម្រិតសមត្ថភាពនិងបច្ចេកទេសកីឡាករដើម្បីត្រៀមការប្រកួតនៅស៊ីហ្កេមនៅប្រទេសម៉ាឡេស៊ី។ ទី២ ចង់បង្កើនសមត្ថភាពបច្ចេកទេសដល់កីឡាករ ព្រោះបានប្រកួតជាមួយកីឡាករមាឌធំនិងខ្ពស់ ដូចនេះពួកអាចនឹងដឹងបន្ថែមទៀតពីតិចនិកថាត្រូវវ៉ៃបែបណាដើម្បីឈ្នះ។ ទី៣នោះគឺចង់ពង្រីកផ្សព្វផ្សាយពីប្រដាល់គុនខ្មែរលើឆាកអន្តរជាតិ ហើយចេញទៅប្រកួតនេះក៏ជាការបំពេញចិត្តដល់ប្រជាជនខ្មែរដែលរស់នៅឯប្រទេសបារាំងដែលពួកគេស្រឡាញ់និងចូលចិត្តគុនខ្មែរ និងចង់ឃើញចង់ស្គាល់អ្នកប្រដាល់ជើងខ្លាំងរបស់កម្ពុជា។ ការប្រកួតនោះចំនឹងថ្ងៃបុណ្យចូលឆ្នាំខ្មែរផងដែរ ហេតុនេះអាចឲ្យកីឡាករទាំង៣បានដឹងពីរបៀបរបបប្រជាជនកម្ពុជាប្រារព្ធពិធីប្រពៃណីនៅទីនោះផងដែរ។