កម្ពុជានៅខ្វះទីលានសំខាន់២ទៀតសម្រាប់ត្រៀមស៊ីហ្គេម២០២៣

2017-04-16 23:05:00
ចំនួនមតិ 0 | ចំនួនចែករំលែក 0

ចន្លោះមិនឃើញ

ដំណាក់កាលទី១នៃពហុកីឡដ្ឋានជាតិមរតកតេជោក្នុងនោះមាន៣អគារត្រូវបានកសាងរួចហើយ និងដាក់សម្ពោធឲ្យប្រើប្រាស់ជាផ្លូវការកាលពីព្រឹកថ្ងៃទី៤ ខែមេសា ឆ្នាំ២០១៧ក្រោមអធិបតីភាពសម្តេចន ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា។ ចំពោះដំណាក់កាលទី២គឺពហុកីឡដ្ឋានសំខាន់បំផុតនៅក៏ត្រូវបានបញ្ចុះបឋមសិលាកសាងដែរដែលគ្រោងនឹងបញ្ចប់នៅឆ្នាំ២០២០។

ឯកឧត្តម ថោង ខុន

ទោះជាយ៉ាងណា កម្ពុជានៅត្រូវការទីលានកីឡាសំខាន់ៗមួយចំនួនទៀតដូចជាទីលានវាយកូនបាល់ និងទីលានកីឡាហុកគី។ ឯកឧត្តមបណ្ឌិត ថោង ខុន រដ្ឋមន្ត្រីក្រសួងទេសចរណ៍ និងជាប្រធានគណៈកម្មាធិការជាតិអូឡាំពិកកម្ពុជាបានឲ្យដឹងថា ក្រៅពីដំណាក់កាលទី១ និងទី២ដែលជាទីលានសំខាន់ៗសម្រាប់ធ្វើម្ចាស់ផ្ទះកីឡាស៊ីហ្គេមឆ្នាំ២០២៣ ក៏កម្ពុជានៅខ្វះទីលានសំខាន់២ទៀតគឺទីលានកីឡាវាយកូនបាល់ និងទីលានកីឡាហុកគី។ ទីលានសំខាន់ទាំងពីរនេះត្រូវធ្វើជាទីលានស្តង់ដារអន្តរជាតិ ហើយអាចនឹងធ្វើនៅក្នុងដំណាក់កាលទី៣នៃពហុកីឡដ្ឋានជាតិមរតកតេជោ។