ប្រជាជនស៊ីរីនាំគ្នាប្ដូរ Profile ដាក់រូប ដូណាល់ ត្រាំ ដើម្បីអរគុណ
- 2017-04-07 13:15:01
- ចំនួនមតិ 0 | ចំនួនចែករំលែក 0
ប្រជាជនស៊ីរីនាំគ្នាប្ដូរ Profile ដាក់រូប ដូណាល់ ត្រាំ ដើម្បីអរគុណ
ចន្លោះមិនឃើញ
ប្រជាជនស៊ីរីជាច្រើននាក់បានសម្រេចចិត្តប្ដូររូប Profileរបស់ខ្លួនក្នុងបណ្ដាញសង្គមដាក់រូបលោកប្រធានាធិបតីថ្មីអាមេរិក ដូណាល់ ត្រាំ ដើម្បីថ្លែងអំណរគុណ ចំពោះការវាយប្រហារលើទ័ពរដ្ឋាភិបាលស៊ីរីរបស់លោកអាសាដ ។
កាលបីព្រឹកមិញ សហរដ្ឋអាមេរិកបានបើកការវាយប្រហារយោធា ដោយបាញ់គ្រាប់មីស៊ីលរយៈចម្ងាយឆ្ងាយ Tomahawk ៥៩គ្រាប់សំដៅទៅរកមូលដ្ឋានទ័ពអាកាសរដ្ឋាភិបាលស៊ីរី ធ្វើឲ្យទាហានជាច្រើនបានស្លាប់។ ការវាយប្រហារពីសំណាក់អាមេរិកនេះ បន្ទាប់ពីរដ្ឋាភិបាលស៊ីរីរបស់លោកអាសាដបានវាយប្រហារប្រើអាវុធគីមី ឈ្មោះថា សារីនសម្លាប់ប្រជាជនស្លូតត្រង់ជាច្រើន រួមទាំងកុមារ ក្នុងក្រុង Khan Seikhoun ខេត្ត Idlib ប្រទេសស៊ីរី កាលពីដើមសប្ដាហ៍នេះ។
តាមរយៈការបាញ់មីស៊ីលរបស់អាមេរិក គឺមានការបញ្ជាផ្ទាល់ពីលោក ដូណាល់ ត្រាំ។ ការបញ្ចេញសាច់ដុំបែបនេះ ព្រោះតែលោក ត្រាំរំជួលចិត្តអាណិតក្មេង ដែលបានស្លាប់ដោយអាវុធគីមីរបស់ទាហានស៊ីរី។ ដើម្បីបង្ហាញពីការអរគុណនិងគាំទ្រ ប្រជាជនស៊ីរីជាច្រើននាក់បានប្ដូរ Profile របស់ពួកគេដាក់រូប ដូណាល់ ត្រាំ៕