ចោរប្លន់ ភ្ជង់ក្បាលកីឡាករ Koke យកនាឡិកាតម្លៃជាង៧ម៉ឺនដុល្លារ
- 2017-04-08 01:00:00
- ចំនួនមតិ 0 | ចំនួនចែករំលែក 0
ចោរប្លន់ ភ្ជង់ក្បាលកីឡាករ Koke យកនាឡិកាតម្លៃជាង៧ម៉ឺនដុល្លារ
ចន្លោះមិនឃើញ
ចោរម្នាក់ បានយកកាំភ្លើងទៅភ្ជង់ក្បាលខ្សែបម្រើអេស្ប៉ាញ Koke នៅកន្លែងចតឡានមួយនាទីក្រុងម៉ាឌ្រីត ដើម្បីយកនាឡិកាមួយដែលមានតម្លៃដល់ទៅ៦០ ០០០ផោន (ជាង៧ម៉ឺនដុល្លារ)។
ប្រភពនៅកន្លែងកើតហេតុបានបញ្ជាក់ថាចោរនោះបានជិះម៉ូតូតាមឡានរបស់ Koke នៅតំបន់ Chamberi ហើយក្រោយមកនៅពេលដែលខ្សែបម្រើរបស់ AT Madrid រូបនេះឈប់ឡានដើម្បីយកសំបុត្រចតនោះ ស្រាប់តែចោរយកកាំភ្លើងមកភ្ជង់តែម្ដង។ ប៉ូលិសនៅតំបន់នោះ បានបញ្ជាក់បន្ថែមទៀតថាក្រោយពីភ្ជង់ហើយ ចោរបានគំរាម Koke ដើម្បីយកនាឡិកាដៃមួយនោះតែម្ដង។ ដោយក្រោយពីនោះមក ចោរចិត្តធំរូបនេះក៏បានជិះម៉ូតូចេញពីកន្លែងកើតហេតុភ្លាមៗបាត់ស្រមោលទៅ។
យ៉ាងណាមិញ រឿងនេះដែរ ប៉ូលិសបានឆែកមើល Camera សុវត្ថិភាពរូចរាល់ហើយ ខណៈដែលអត្តសញ្ញាណ មុខមាត់ចោរនោះក៏បានមើលឃើញដែរ។ ដូច្នេះ ដំណើរចេញចាប់ខ្លួននឹងកើតមាននៅពេលបន្ទាប់៕