ភាពយន្តភាគកូរ៉េល្បីៗ ទាំង១០ ដែលត្រៀមយ៉ាងពិសេសសម្រាប់ឆ្នាំ ២០១៧
- 2017-04-17 00:00:00
- ចំនួនមតិ 0 | ចំនួនចែករំលែក 0
ភាពយន្តភាគកូរ៉េល្បីៗ ទាំង១០ ដែលត្រៀមយ៉ាងពិសេសសម្រាប់ឆ្នាំ ២០១៧
ចន្លោះមិនឃើញ
អ្នកគាំទ្ររឿងភាគកូរ៉េមិនតិចទេ ដែលតែងតែរង់ចាំមើលភាពយន្តចុងក្រោយថ្មីៗ របស់តារាសម្ដែងល្បីជាច្រើន ជាពិសេសតារាសំណព្វចិត្តរបស់ខ្លួន។ ក្នុងឆ្នាំ ២០១៧នេះ អ្នកទស្សនានឹងមិនខកបំណងទេ ដោយសារទាំងផលិតករ និងតារាសម្ដែង បានត្រៀមរឿងល្អៗជាច្រើន យកមកបង្ហាញជូន។ ខាងក្រោមនេះជារឿងថ្មីៗទាំង ១០ ដែលនឹងត្រៀមចាក់ផ្សាយក្នុងពេលឆាប់ៗនេះ៖
១. រឿង "While You Were Sleeping"
រឿងនេះនិយាយពីនារីម្នាក់ ដែលមើលឃើញពីរឿងហេតុជាច្រើនរបស់មនុស្សនៅក្នុងយល់សប្ដិរបស់ខ្លួន។ ក្រោយមកក៏បានជួបនឹងតួប្រុសដែលជាព្រះរាជអាជ្ញារ ហើយក៏បានជួយតួស្រីនោះ ដើម្បីបញ្ឈប់សុបិនអាក្រក់ទាំងនោះ។ រឿងនេះនឹងមានចាក់ផ្សាយលើទូរទស្សន៍ SBS។
២. រឿង "Criminal Minds"
ជាខ្សែភាពយន្តយកលំនាំតាមរឿងអាមេរិក ដែលនិយាយពីអ្នកស៊ើបអង្កេតបទឧក្រិដ្ឋដែលកើតមាន និងដោះស្រាយករណីបទល្មើសទាំងនោះ។ ភាពយន្តបែបស៊ើបអង្កេតនេះនឹងចាក់ផ្សាយលើទូរទស្សន៍ tvN។
៣. រឿង "Bride of the Water God"
រឿងនេះរៀបរាប់ពីដំណើរជិវិតរបស់អ្នកភូមិដែល តស៊ូលំបាកក្នុងគ្រោះរាំងស្ងួត រយៈពេលជាយូរ។ ទេវតាទឹកភ្លៀង ឈ្មោះថា "Ha Baek" នឹងធ្វើឲ្យមានភ្លៀង បើសិនជាមាននារីណាម្នាក់ហ៊ាន ធ្វើជាកូនក្រមុំរបស់ខ្លួន។ ពេលនោះតួឯកស្រី ឈ្មោះ "So-A" ក៏សម្រេចចិត្តហ៊ានធ្វើជាកូនក្រមុំរបស់ Ha Baek ។ ប៉ុន្តែក្រោយពី បានជួបគ្នាហើយ តួប្រុសនោះមិនបានធ្វើដូចអ្វី ដែលនាងរំពឹងទុកទេ។ រឿងភាគមួយនេះនឹងត្រូវចាក់ផ្សាយនៅ ទូរទស្សន៍ tvN។ ៤. រឿង "Suspicious Partner"
"Suspicious Partner" ជាប្រភេទរឿងកំប្លែងបែបមនោសញ្ចេតនា ដែលសាច់រឿងដំបូងកើតឡើងនៅក្នុងបន្ទប់សវនាការមួយ។ នៅពេលដែលតួស្រីជាកីឡាការនីតៃក្វាន់ដូ ហើយបាន ក្លាយជាអ្នកហាត់ការនៅតុលាការ។ ក្រោយមកនាងក៏បានដឹងខ្លួនឯងថា បានក្លាយជាជនសង្ស័យ នៅក្នុងករណីឃាតកម្មមួយ។ រឿងនេះនឹងមានចាក់ផ្សាយលើទូរទស្សន៍ SBS។
៥. រឿង "Third Rate My Way"
ដំណើររឿងនេះនិយាយពីជីវិតតស៊ូរបស់តួប្រុស Ko Dong Man និង តួស្រី Choi Ae Ra។ កាលនៅជាសិស្ស Dong Man បានចាប់យកជំនាញតៃក្វាន់ដូ ។ ក្រោយមកលោកបានធ្វើការ ជាបុគ្គលិកជាប់កុងត្រាម្នាក់ ក្រៅពីការងារជា អ្នកប្រដាល់ ។ រីឯតួស្រី Ae Ra វិញប្រាថ្នាចង់ក្លាយជាពីធីការនី តែនាងបានបោះបង់សុបិននោះ ហើយបានធ្វើការនៅហាងទំនិញធំមួយកន្លែងវិញ។ ភាពយន្តភាគមួយនេះនឹងចាក់ផ្សាយនៅខែ ឧសភា លើទូរទស្សន៍ KBS។
៦. រឿង "The King Love"
ជាខ្សែភាពយន្តដែលនិយាយពី Wang Won ព្រះអង្គម្ចាស់នៃ Goryeo ដែលមានរូបសម្បត្តិស្រស់សង្ហាខ្លាំង (Im Si Wan) ។ ព្រះអង្គមានមិត្តជិតស្និទ្ធិម្នាក់ឈ្មោះ Wang Bin (Hong Jong Hyun) ដែលមកពីគ្រួសាររាជវង្ស ហើយក៏ជាអង្គរក្សរបស់ទ្រង់ដែរ។ ក្រោយមកមានស្រីស្អាត Eun San (Yoona) បានបង្ហាញមុខចំពោះមុខតួប្រុសទាំង ២។ នាងជាកូនស្រីដែលមកពីគ្រួសារអ្នកមានម្នាក់។ អ្នកទាំង៣ បានក្លាយជាមិត្តល្អនឹងគ្នា តែចៃដន្យ ប្រុសសង្ហាទាំង២ បានធ្លាក់ក្នុអន្លង់ស្នេហ៍របស់ Eun San។ រឿងនេះនឹងមានចាក់ផ្សាយលើទូរទស្សន៍ MBC។
៧. Ruler: Master of the Mask
ភាពយន្តនិយាយពី ព្រះអង្គម្ចាស់គ្រងរាជ្យ Lee Sun (Yoo Seung Ho) ព្យាយាមតស៊ូប្រឆាំងនឹង ចលនា Pyunsoo Hwe ដែលជាក្រុមប្រមូលផ្ដុំអំណាច និងគៀបយកទ្រព្យសម្បត្តិពីជនស្លូតត្រង់ នៅក្នុងតំបន់មួយ។ ព្រះអង្គម្ចាស់ Lee Sun បានក្លាយជាក្ដីសង្ឃឹមរបស់ប្រជារាស្រ្ត ដែលរងទុក្ខ។ តួស្រី Ga Eun (Kim So Hyun)គឺជាមនុស្សស្រីម្នាក់ដែល Lee Sun ស្រលាញ់ ហើយនាងបានជួយក្នុងកិច្ចការដឹកនាំរបស់ព្រះអង្គច្រើនណាស់។ រឿងនេះនឹងមានផ្សាយលើទូរទស្សន៍ MBC។
៨. រឿង "Lovely Love Die (The Liar and His Lover)"
រឿងនេះនិយាយពីអ្នកនិពន្ធបទភ្លេងប៉ិនប្រសប់ម្នាក់ដ៏ល្បីល្បាញ (Lee Hyun Woo) បានលាក់អារម្មណ៍ដែលធ្លាក់ក្នុងអន្លង់ស្នេហ៍របស់នារីដែលមានសម្លេងពីរោះម្នាក់ (Joy)។ រឿងភាគមួយនេះនឹងមានផ្សាយជូនទស្សនានៅលើទូរទស្សន៍ tvN។
៩. រឿង "Man To Man"
សាច់រឿងដែលរៀបរាប់ពី តួប្រុសឈ្មោះ Kim Sul Woo (Park Hae Jin) ដែលជាភ្នាក់ងារស៊ើបការណ៍សំងាត់របស់ប្រទេស។ អាយុជីវិតរបស់លោកប្រែប្រួលមិនទៀងទេ ពេលក្លាយខ្លួនជាអង្គរក្សរបស់កំពូលតារាដ៏ល្បី (Park Sung Woong)។ រឿងនេះនឹងមានផ្សាយជូនទស្សនានៅលើ ទូរទស្សន៍ JTBC ថ្ងៃទី២១ ខែមេសាខាងមុខ។
១០. រឿង "Chicago Typewriter"
រឿងនេះនិយាយពី អ្នកនិពន្ធក្នុងអំឡុងទសវត្សឆ្នាំ ១៩៣០ ដែលចាប់ជាតិជាថ្មីក្នុងពេលបច្ចុប្បន្ន និងបានក្លាយជាអ្នកនិពន្ធដដែល។ ដូចនេះសូមរង់ចាំទស្សនា ដែលរឿងនេះនឹងមានផ្សាយលើទូរទស្សន៍ tvN ក្នុងខែមេសានេះហើយ៕