រកឃើញសៀវភៅព្រីយ៉ុង សម្រាប់ប្រលងធ្វើមន្រ្តី នៅសម័យរាជវង្ស Ming និង Qing
- 2017-04-19 02:33:56
- ចំនួនមតិ 0 | ចំនួនចែករំលែក 0
រកឃើញសៀវភៅព្រីយ៉ុង សម្រាប់ប្រលងធ្វើមន្រ្តី នៅសម័យរាជវង្ស Ming និង Qing
ចន្លោះមិនឃើញ
សព្វថ្ងៃនេះ សិស្សនិស្សិតចិន ត្រូវបានគេដឹងថា មានជំនាញខ្ពស់ក្នុងការប្រើប្រាស់ឧបករណ៍ ក៏ដូចជាបច្ចេកវិទ្យាទំនើប ដើម្បីលួចមើលព្រីយ៉ុង ឬបើកចាក់ នៅក្នុងការប្រលងប្រចាំឆ្នាំ (Gaokao)។ មិនខុសគ្នាប៉ុន្មានឡើយ កាលពីជាង១០០ឆ្នាំមុន អ្នកប្រាជ្ញនៅក្នុងប្រទេសចិន ត្រូវបង្ខំចិត្តប្រើវិធីសាស្ត្រចាស់គំរឹល ក្នុងការលួចបន្លំដើម្បីបានបើកមើលព្រីយ៉ុងដូចគ្នា។
កូនសៀវភៅតូចមួយក្បាល ត្រូវបានដាក់តាំងបង្ហាញ នៅក្នុងរដ្ឋធានីនៃខេត្តឆាងសា (Changsha) ប្រទេសចិន។ វាផ្ទុកទៅដោយអត្ថបទនៃសៀវភៅ «Four Books and Five Classics» ដែលសិស្សនិស្សិតត្រូវចងចាំ សម្រាប់ប្រឡងចូលធ្វើមន្ត្រីស៊ីវិល។
ម្ចាស់ហាងសៀវភៅ និងវត្ថុបុរាណម្នាក់ បានពន្យល់ប្រាប់ថា អ្នកប្រាជ្ញនៃរាជវង្ស Ming និង Qing នឹងលួចបន្លំយកសៀវភៅនោះ ចូលទៅមណ្ឌលប្រឡង ដោយដេរភ្ជាប់នៅក្នុងសំលៀកបំពាក់ ឬ លាក់នៅក្នុងស្បែកជើងជាដើម ដោយសង្ឃឹមថាវានឹងអាចជួយពួកគេឲ្យប្រឡងជាប់។
ទោះជាយ៉ាងណា គេមិនបានដឹងច្បាស់ឡើយ ពីវិធីសាស្ត្រនៃការគ្រប់គ្រងការប្រលង និងការពារអ្នកលួចមើលព្រីយ៉ុង។ ប៉ុន្តែ សព្វថ្ងៃនេះ សិស្សនិស្សិតនៅក្នុងប្រទេសចិន ត្រូវបង្ខំឲ្យប្រឡងនៅខាងក្រៅថ្នាក់ ហើយមានលោកគ្រូអ្នកគ្រូតាមឃ្លាំមើលយ៉ាងដិតដល់ ដោយខ្លះប្រើកែវយឹត ឬយន្តហោះគ្មានមនុស្សបើក (Drone) ទៀតផង៕