សារបោកព្រមានលុបគណនី Facebook តាំង ៣ឆ្នាំមុន ធ្វើឲ្យកក្រើកម្តងទៀតក្នុងស្រុកខ្មែរ

2017-04-19 07:03:54
ចំនួនមតិ 0 | ចំនួនចែករំលែក 0

ចន្លោះមិនឃើញ

សារបោកដែលកំពុងធ្វើឲ្យអ្នកប្រើប្រាស់ Facebook មួយភាគធំក្នុងប្រទេសកម្ពុជា ចែករំលែកតៗគ្នា បានសរសេរថា "Facebook កំពុងមានអ្នកប្រើប្រាស់ច្រើនលើសលប់ ហើយដំណើរការកាន់តែយឺត...អ្នកប្រើប្រាស់ណាដែលឃើញសារនេះ ត្រូវផ្ញើទៅមនុស្ស ២៥នាក់ទៀត ដើម្បីបញ្ជាក់ថាគេកំពុងប្រើប្រាស់ (Active) តែបើអ្នកប្រើប្រាស់ណាមិនផ្ញើសានេះទេ នឹងត្រូវ Facebook លុបគណនីចោលអំឡុងពីរសប្ដាហ៍បន្ទាប់ ព្រោះ Facebook សន្មត់ថាអ្នកនោះឈប់ប្រើ Facebook ...។"

បញ្ហាកំពុងក្តៅនេះ លោក អ៊ូ ផាន់ណារិទ្ធ ប្រធានគ្រប់គ្រងផ្នែកសុវត្ថិភាព ICT បានអះអាងថា វាជាការបោកប្រាស់សុទ្ធសាធ ដែលអ្នកប្រើប្រាស់នៅកម្ពុជាមិនសមនឹងចាញ់បោកទាល់តែសោះ។

លោក បញ្ជាក់យ៉ាងច្បាស់ថា បើមានបញ្ហាអ្វីទាក់ទងនឹងប្រព័ន្ធដំណើរការឬសេវាកម្មរបស់ក្រុមហ៊ុន ខាង Facebook នឹងផ្ញើសារអេឡិចត្រូនិកផ្លូវការ ឬជូនដំណឹង (Notification) ពេលអ្នកបើកប្រើ Facebook ភ្លាមៗ មិនមែនតាមរយៈសារផ្ញើដោយផ្ទាល់គ្មានប្រភពដូច្នេះទេ។ ជាក់ស្ដែង រាល់ដងបើអ្នកធ្វើអ្វីមួយល្មើសនឹងច្បាប់របស់ Facebook គេនឹងផ្ដល់ដំណឹងព្រមានដល់អ្នក។

ផលចំណេញដែលបានពីការចែករំលែកសារបោកប្រាស់លើផ្អើលពេញបណ្តាញសង្គមនេះ លោក ផាន់ណារិទ្ធ ថាមានតែធ្វើឲ្យអ្នកប្រើប្រាស់ចាយលុយលើអ៊ីនធឺណិតឥតប្រយោជន៍កាន់តែខ្លាំងទៅវិញទេ អំឡុងពេលនេះ។

សារជាភាសាអង់គ្លេសដែលបោកថាក្រុមហ៊ុន Facebook ជាអ្នកផ្ញើមកនេះ បានកើតឡើងតាំងពី ៣ឆ្នាំមុន នៅបរទេស ហើយទើបមានអ្នកយកមកបំពុលម្តងទៀតនៅលើបណ្តាញសង្គមស្រុកខ្មែរឆ្នាំនេះ។

ចំពោះអ្នកប្រើប្រាស់ដែលបានទទួលឬឃើញសានេះ មិនបាច់ធ្វើអីទាំងអស់ គួរលុបឬទុកចោល ព្រោះវានឹងមិនមានបញ្ហាអ្វីដល់គណនី Facebook របស់អ្នកឡើយ។ នេះបើតាមអ្នកជំនាញខាងលើផ្តល់យោបល់៕

អត្ថបទ៖ ផាន់និត

ពាក្យទាក់ទង

ព័ត៌មានបច្ចេកវិទ្យាក្នុងស្រុក អ៊ូ ផាន់ណារិទ្ធ

អត្ថបទពេញនិយម

Lonely Planet ៖ តំបន់ទេសចរណ៍ពិសេសៗ ១០ កន្លែង នៅក្នុងប្រទេសកម្ពុជា អ្នកគួរទៅទស្សនា

បុរសម្នាក់នេះ ជួយជ្រោមជ្រែង ខ្មែរជាច្រើនគ្រួសារ ឱ្យបានទៅរស់នៅអាមេរិក និងជួយបង្កើតមុខរបរឱ្យទៀត

ទម្លាយមូលហេតុដែលតារាជើងចាស់ ឌី សាវ៉េត សុខចិត្តបើកឡានខ្លួនឯង ទោះមានវ័យច្រើនក្តី

តាមពិត នៅអាមេរិក មានទីក្រុងមួយ ឈ្មោះថា "ទីក្រុងខ្មែរ - Cambodia Town"

ជំនឿផ្សេងៗទាក់ទងរឿងញាក់ត្របកភ្នែកតាមម៉ោង

ភាពយន្តរឿង "Superman" ចេញ Official Trailer ធ្វើឱ្យអ្នកគាំទ្ររំភើបចង់ទស្សនា ឆាប់ៗ

អត្ថបទថ្មី

ធនាគារ ហ្វីលីព ចាប់ដៃគូជាមួយក្រុមហ៊ុនវីសា ដើម្បីផ្តល់នូវសេវាកម្មផ្ទេរប្រាក់ លឿនជាងមុន ល្អជាងមុន និងងាយស្រួលជាងមុន

ក្រុមហ៊ុន វឌ្ឍនៈ ចូលរួមគាំទ្រសហភាពសហព័ន្ធយុវជនកម្ពុជារៀបចំព្រឹត្តិការណ៍ដ៏ធំ “សាទរកម្ពុជា” ស្វាគមន៍ឆ្នាំ២០២៥

ជួបជាមួយកំពូលតារាចម្រៀង ព្រាប សុវត្ថិ ល្ងាចនេះ នៅព្រៃវែង ខណៈបទ “កុលាបមានបន្លា” កំពុងផ្ទុះខ្លាំង

ឯកឧត្ដម សាយ ណូរ៉ា៖ កីឡាករ កីឡាការិនីត្រូវខំប្រឹងប្រែងឲ្យអស់ពីសមត្ថភាពក្នុងការប្រកួតជើងឯកថ្នាក់ជាតិកីឡាការ៉ាតេនេះ

ភាពយន្តរឿង "Superman" ចេញ Official Trailer ធ្វើឱ្យអ្នកគាំទ្ររំភើបចង់ទស្សនា ឆាប់ៗ

ខែត្រជាក់សកលលោកផ្ទុះការរាតត្បាតវីរុសណូរ៉ូ ក្រសួងសុខាភិបាលកម្ពុជាចេញវិធានការការពារពីជំងឺនេះ