ដំណឹងល្អ! កីឡា E-Sports ត្រូវបានដាក់បញ្ចូលក្នុងកីឡាទ្វីបអាស៊ី២០២២ ផ្លូវការហើយ
- 2017-04-20 01:56:15
- ចំនួនមតិ 0 | ចំនួនចែករំលែក 0
ដំណឹងល្អ! កីឡា E-Sports ត្រូវបានដាក់បញ្ចូលក្នុងកីឡាទ្វីបអាស៊ី២០២២ ផ្លូវការហើយ
ចន្លោះមិនឃើញ
ប្រភេទកីឡាទំនើបតាមបច្ចេកវិទ្យាគឺកីឡាអេឡិចត្រូនិក (E-Sports) ត្រូវបានប្រកាសដាក់បញ្ចូលផ្លូវការក្នុងព្រឹត្តិការណ៍កីឡាទ្វីបអាស៊ី (Asian Games) នៅឆ្នាំ២០២២ដែលនឹងត្រូវរៀបចំនៅប្រទេសចិន។
កាលពីថ្ងៃចន្ទ ក្រុមប្រឹក្សាកីឡាអូឡាំពិកអាស៊ី (OCA) បានប្រកាសចាប់ដៃគ្នាជាមួយក្រុមហ៊ុន Alisports ដែលជាផ្នែកអាជីវកម្មតាមអនឡាញរបស់ក្រុមហ៊ុនយក្ស Alibaba។ ក្នុងសេចក្តីប្រកាសបានកំណត់ដាក់កីឡាមួយប្រភេទនេះក្នុងកម្មវិធីកីឡាទ្វីបអាស៊ីឆ្នាំ២០២២ដែលប្រព្រឹត្តទៅនៅទីក្រុង Hangzhou ប្រទេសចិន។ OCA បានបញ្ជាក់ថា ការសម្រេចចិត្តនេះគឺឆ្លុះបញ្ចាំងពីភាពរីកច្រើន និងការអភិវឌ្ឍយ៉ាងឆាប់រហ័សនាសម័យកាលបច្ចេកវិទ្យារបស់ E-Sports។
ប្រធានក្រុមប្រឹក្សាអូឡាំពិកអាស៊ីលោក Ahmad Fahad Al-Sabah និយាយក្នុងសេចក្តីថ្លែងការណ៍មួយថា ៖«OCA បានប្តេជ្ញាលើការអភិរក្សមរតកដូនតា ការអភិវឌ្ឍ និងការធ្វើឲ្យប្រសើរឡើងសម្រាប់កីឡានៅទ្វីបអាស៊ី។ យើងសម្លឹងទៅរក«ទ្រឹស្តីនៃការគិតឆ្ពោះទៅមុខ»តាមរយៈ Alisports ដែលនឹងជួយពួកយើងដើម្បីពង្រឹង និងអភិវឌ្ឍកីឡាអេឡិចត្រូនិក»។
កម្មវិធីកីឡាទ្វីបអាស៊ីដែលរៀបចំដោយក្រឹមប្រឹក្សាកីឡាអូឡាំពិកអាស៊ីបានក្លាយជាព្រឹត្តិការណ៍ពហុកីឡាធំបំផុតលំដាប់ទី២នៅលើលោកនេះ បន្ទាប់ពីកីឡាអូឡាំពិក។ គណៈប្រតិភូកីឡាជាតិចំនួន៤៥ប្រទេស និងអត្តពលិកប្រមាណ១ម៉ឺននាក់បានចូលរួមព្រឹត្តិការណ៍កីឡាទ្វីបអាស៊ីនេះដែលរៀបចំចុងក្រោយបំផុតកាលពី៣ឆ្នាំមុននៅទីក្រុង Incheon ប្រទេសកូរ៉េខាងត្បូង៕
ប្រភព៖ straitstimes.com