Man Utd សង្ឃឹមខ្ពស់អាចឡើង Semi-Final ពាន UEFA Europa League យប់នេះ
- 2017-04-20 04:32:58
- ចំនួនមតិ 0 | ចំនួនចែករំលែក 0
Man Utd សង្ឃឹមខ្ពស់អាចឡើង Semi-Final ពាន UEFA Europa League យប់នេះ
ចន្លោះមិនឃើញ
ក្រុមបិសាចក្រហម Manchester United នឹងត្រូវប៉ះក្រុមជើងឯករងបែលហ្សិក Anderlecht ក្នុងការប្រកួត UEFA Europa League វគ្គ៨ក្រុមចុងក្រោយ ជើងទី២ នាកីឡដ្ឋាន Old Trafford វេលាម៉ោង០២:០៥នាទីយប់នេះ។
កាលជើងទី១ នៅប្រទេសបែលហ្សិក Man Utd អាចរកបាន១គ្រាប់ក្រៅដីដ៏សំខាន់ ដោយស្មើគ្នា ១-១ ដូច្នេះយប់នេះក្នុងទឹកដីខ្លួនឯងនៅ Old Trafford ក្រុមរបស់លោក Jose Mourinho មានសង្ឃឹមច្រើនថានឹងអាចឡើងទៅវគ្គពាក់កណ្ដាលផ្ដាច់ព្រ័ត្រ (Semi-Final)។ ម៉្យាងវិញទៀត Man Utd ក៏ចង់លើកពាន UEFA Europa League ឲ្យបាន ដើម្បីធានាបានកៅអីលេង UEFA Champions League នៅរដូវកាលក្រោយផងដែរ។
ត្រួសៗពីក្រុម Man Utd៖
ប្រធានក្រុម Wayne Rooney រំពឹងថា នឹងអាចចូលលេងបានខ្លះនៅចុងម៉ោងយប់នេះ បន្ទាប់ពីត្រឡប់មកហ្វឹកហាត់បានវិញ ក្រោយអវត្តមាន៤ប្រកួត ដោយសាររបួសកជើង។ អ្នកចាត់ការ Mourinho បានបញ្ជាក់ថា អ្នកចាំទី Sergio Romero នឹងលេងជម្រើសដំបូងជំនួស David de Gea យប់នេះ។
កីឡាករសំខាន់ៗ ដែលរបួសមានដូចជា Phil Jones (របួសជើង), Chris Smalling (ជង្គង់) និង Juan Mata (របួសក្រលៀន)។ ចំណែកឯខ្សែប្រយុទ្ធ Zlatan Ibrahimovic នឹងអាចជាប់ជម្រើសដំបូងវិញ បន្ទាប់ពីអង្គុយកៅអីបម្រុង៨៣នាទី កាលឈ្នះ Chelsea ២-០ យប់ថ្ងៃអាទិត្យកន្លងទៅ។
ប្រវត្តិ និងស្ថិតិមួយចំនួន៖
Man Utd ធ្លាប់ឈ្នះ Anderlecht ទាំង៣ប្រកួតនៅ Old Trafford និងធ្លាប់ឈ្នះ ១០-០ ជាប់កំណត់ត្រាឈ្នះច្រើនគ្រាប់បំផុត កាលខែកញ្ញា ឆ្នាំ១៩៥៦។
Man Utd ឈ្នះទាំង៥ប្រកួត នៅពាន UEFA Europa League ក្នុងទឹកដីខ្លួនឯងរដូវកាលនេះ។
Anderlecht មិនដែលឈ្នះការប្រកួតក្នុងទឹកដីអង់គ្លេសទេ ដោយប្រកួត១៥ដង (ស្មើ២ ចាញ់១៣ដង)៕