ជិះកាត់តាមផ្លូវមានឆ្ងល់អត់ ពេលឃើញគេចែកប៉េងប៉ោងពណ៌ក្រហមរាប់ម៉ឺន

2017-04-20 05:08:37
ចំនួនមតិ 0 | ចំនួនចែករំលែក 0

ចន្លោះមិនឃើញ

ប៉ុន្មានថ្ងៃនេះ Sabay ជិះកាត់តាមដងផ្លូវមួយចំនួនក្នុងរាជធានីភ្នំពេញ ប្រទះឃើញគេចែកប៉េងប៉ោងក្នុងចំនួនមួយដ៏ច្រើន ចឹងដើម្បីកាន់តែច្បាស់ ល្ងាចមិញ Sabay ក៏បានចុះសួរពីក្រុមការងារដែលកំពុងតែចែកនៅម្ដុំសួនវត្តបទុម។

ក្រុមការងារចែកប៉េងប៉ោង និយាយថា៖ "បើចង់ដឹងថាខ្ញុំចែកដើម្បីអី សូមតាមដានទំព័រហ្វេសប៊ុក Real Life Story Cambodia យើង និងចូលរួមការប្រគំតន្ត្រីដ៏ធំមួយនៅកោះពេជ្រថ្ងៃទី៦ ឧសភា នេះទៅ បងប្អូននឹងបានដឹងកាន់តែច្បាស់"។

អ្នកចែកប៉េងប៉ោងទាំងនោះបន្តថា ប៉េងប៉ោងចែកចាប់ពីថ្ងៃទី១៨ មេសា ដល់ ៦ ឧសភា ដោយក្នុង ១ ថ្ងៃចែក ១ម៉ឺន ប៉េងប៉ោង នៅតាមទីតាំងផ្សេងៗក្នុងក្រុងភ្នំពេញ ហើយក៏មានភ្ជាប់ជាមួយសំបុត្រដើម្បីចូលរួមព្រឹត្តិការណ៍ Real Life Real Concert នៅកោះពេជ្រ ថ្ងៃទី០៦ ខែឧសភា ផងដែរ។

នៅក្នុងខិត្តប័ណ្ណនៃការប្រគំតន្ត្រីនេះ ឃើញមានរូបតារាល្បីៗជាច្រើនដូចជា លោក ព្រាប សុវត្ថិ G-Devith ពេជ្រ សោភា ហេង ពិទូ ក្រុមក្មេង ខ្មែរ និងតារាល្បីជាច្រើនទៀត។

គួរសំគាល់ផងដែរថា ប៉េងប៉ោងទាំងនោះ មានសារមួយចំនួនទាក់ទងនឹងទិដ្ឋភាពផ្សេងៗនៃជីវិតពិត ដោយមាន #RealLifeKH។ Sabay ក៏បានឃើញថាប៉ុន្មានថ្ងៃនេះ នៅលើផេកហ្វេសប៊ុក Real Life Story Cambodia ក៏មានវីដេអូមួយ និយាយពីជីវិតពិតរបស់អ្នកនាង ស្វែង សុជាតា ដ៏ក្ដុកក្ដួល ដែលមានមនុស្សរាប់ម៉ឺននាក់ទស្សនាផងដែរ។ សាកចូលទៅមើលវីដេអូមួយហ្នឹងមើល៎ ទប់ទឹកភ្នែកជាប់អត់?

មានឆ្ងល់ទេថា តើអ្នកណាជាអ្នករៀបចំការចែកប៉េងប៉ោងរាប់ម៉ឺន និងធ្វើវីដេអូជីវិតពិតនេះ? ហើយនឹងមានអីកើតឡើង នៅព្រឹត្តិការណ៍ Real Life Real Concert នៅថ្ងៃទី៦ ឧសភា នៅកោះពេជ្រ? កុំភ្លេចចូលរួមតាមដានទាំាងអស់គ្នាណា។

ខាងក្រោមនេះ គឺសកម្មភាពគេចែកប៉េងប៉ោងនៅសួនវត្តបទុមម្សិលមិញ៖