ត្រៀមៗ ប្រកួតប្រដាល់គូអន្តរជាតិទៀតហើយ ចុងសប្ដាហ៍នេះ
- 2017-04-21 09:37:19
- ចំនួនមតិ 0 | ចំនួនចែករំលែក 0
ត្រៀមៗ ប្រកួតប្រដាល់គូអន្តរជាតិទៀតហើយ ចុងសប្ដាហ៍នេះ
ចន្លោះមិនឃើញ
កម្មវិធីប្រដាល់ដ៏មានប្រជាប្រិយភាពរបស់ស្ថានីយទូរទស្សន៍ ភីអិនអិន (PNN) "សមរភូមិអ្នកប្រយុទ្ធ" បានត្រឡប់សារជាថ្មី ជាមួយនឹងការប្រយុទ្ធរវាងកំពូលអ្នកលេងក្បាច់គុនបុរាណខ្មែរ និងជើងខ្លាំងឆ្លងដែនក្នុងជំនួបមិត្តភាពអន្តរជាតិ "ខ្លាំងប៉ះខ្លាំង"។
ឆ្លងកាត់ ៥ រដូវកាលនាពេលកន្លងមក "សមរភូមិអ្នកប្រយុទ្ធ" បានរៀបចំដោយជោគជ័យនូវការប្រកួតដណ្ដើមខ្សែក្រវាត់ជាបន្តបន្ទាប់ ដែលចុងក្រោយនេះ ពេជ្រ ម្ទេសខ្មាំង អ្នកប្រដាល់វ័យក្មេងរបស់កម្ពុជា បានក្លាយជាម្ចាស់ជើងឯកខ្សែក្រវាត់ទម្ងន់ ៥៧ គីឡូក្រាម។
សម្រាប់រដូវកាលទី ៦ "សមរភូមិអ្នកប្រយុទ្ធ" នឹងរៀបចំការប្រកួតមិត្តភាពអន្តរជាតិ ដែលប្រមូលផ្ដុំដោយជើងខ្លាំងគុនខ្មែរគ្រប់ប្រភេទទម្ងន់ ដើម្បីប្រកួតតទល់នឹងអ្នកប្រដាល់ឆ្លងដែនដែលមានសមត្ថភាពខ្ពស់។
រដូវកាលថ្មី ដែលធ្វើនៅថ្ងៃទី២៣ មេសា នេះ កំពូលអ្នកលេងជង្គង់ ឡុង សុភី ដែលអ្នកទស្សនាជាច្រើនស្គាល់ថា "អធិរាជជង្គង់ទិព្វ" នឹងស្វាគមន៍ខ្លាកំណាចមកពីឡាវ ហើយអ្នកលេងកណ្ដាប់ដៃ ខាំ ខ្លានាង ដែលកំពុងតែបង្កើនប្រជាប្រិយភាពរបស់ខ្លួនតាមរយៈការផ្ដួលជើងខ្លាំងឆ្លងដែននោះ ក៏ត្រូវសាកល្បងស្នៀតនឹងអ្នកប្រដាល់វ័យក្មេងមកពីថៃ អានុន ផងដែរ។
"សមរភូមិអ្នកប្រយុទ្ធ" PNN ត្រូវបានអ្នកស្នេហាវិស័យកីឡាប្រដាល់ខ្មែរ ទទួលស្គាល់ថា ជាសង្វៀនដែលមានការផ្គូផ្គងដោយយកចិត្តទុកដាក់ពីសំណាក់អ្នកគ្រប់គ្រងកម្មវិធី ហើយកម្មវិធីមួយនេះ ក៏ចូលរួមចំណែកក្នុងការអភិរក្ស និងលើកស្ទួយក្បាច់គុនបុរាណខ្មែរ តាមរយៈការបង្កើតធនធានកីឡាករថ្មី និងជំរុញឱ្យយុវជនជំនាន់ក្រោយស្រលាញ់ ព្រមទាំងថែរក្សាកេរ្តិ៍មរតកដូនតាដ៏មានតម្លៃនេះ។
ការប្រកួតនឹងរៀបចំរៀងរាល់ថ្ងៃអាទិត្យ រួចធ្វើការផ្សាយផ្ទាល់នៅ PNN ចាប់ពីម៉ោង ៥ ល្ងាចតទៅ ហើយទាំងអស់គ្នាអាចចូលរួមទស្សនាបានដោយសេរី។
តោះ មើលវីដេអូខ្លីពីការប្រកួតតិចមើល៎៖