ចង់ដឹងទេ ហេតុអ្វីព្រះនាងទាំងអស់របស់ Disney ស្លៀកតែឈុតពណ៌ខៀវ?

2017-04-22 00:00:00
ចំនួនមតិ 0 | ចំនួនចែករំលែក 0

ចន្លោះមិនឃើញ

តួអង្គព្រះនាងនៅក្នុងរឿងរបស់ Disney ដែលមានដូចជា៖ Belle, Cinderella, Jasmine និង Ariel សុទ្ធតែជាវីរនារីដែលទស្សនិកជន ទាំងក្មេង ទាំងចាស់កោតសរសើរចរិតរបស់តួអង្គណាស់ ។ មួយវិញទៀតតួព្រះនាងទាំងនេះសុទ្ធតែមានភាពក្លាហាន អង់អាច ព្រមជាមួយទឹកចិត្តមេត្តាករុណាដូចៗគ្នា។ ប៉ុន្តែអ្វីដែលធ្វើឲ្យមានចម្ងល់នោះគឺថា គ្រប់វីរនារីទាំងនេះសុទ្ធតែស្លៀកពាក់ពណ៌ខៀវ។

យោងតាមអ្នកច្នៃម៉ូដឈ្មោះ Christopher Kane បាននិយាយក្នុងបទសម្ភាសន៍មួយជាមួយវិបសាយហ្វេស្សិន ELLE.COM កាលពីពេលថ្មីៗនេះថា ៖ "នៅពេលដែលអ្នកគិតដល់វីរនារីទាំងអស់របស់ Disney 'Cinderella, Sleeping Beauty, Jasmine' អ្នកនឹងនឹកឃើញឈុតពណ៌ខៀវ! វាជាស្ទាយល៍ 'ពណ៌ខៀវរបស់Disney' ” ។

អ្នកជំនាញផ្នែកពណ៌ម្នាក់ឈ្មោះ "Leatrice Eiseman " មកពី “Pantone Color Institute” បាននិយាយថា៖ "ការផ្ដល់អំណាចទៅឲ្យមនុស្សស្រីជាហេតុផលចម្បងមួយ ដូចនេះត្រូវបន្ថែមថាមពលឲ្យតួស្រី ដោយឲ្យនាងស្លៀកពាក់ពណ៌ខៀវ" ។

ហេតុផលមួយទៀតដែលថា ហេតុអ្វីបានជា ពណ៌ខៀវ គឺជាពណ៌ដែលពេញនិយមសម្រាប់តួអង្គព្រះនាង? ចម្លើយគឺដោយសារ ពណ៌នេះជាពណ៌មេឃ រំលឹកយើងពីអំពើល្អ ភាពជឿជាក់ និងស្មោះត្រង់ផងដែរ៕

ប្រភព៖ Goodhousekeeping ប្រែសម្រួល៖ យី សុធារី