កូរ៉េខាងជើងប្រកាសប្រើនុយក្លេអ៊ែរធ្វើសង្គ្រាម បើត្រាំ ហ៊ានប៉ះមុន

2017-04-23 02:07:15
ចំនួនមតិ 0 | ចំនួនចែករំលែក 0

ចន្លោះមិនឃើញ

ប្រទេសកូរ៉េខាងជើងបានចេញសេចក្ដីថ្លែងការណ៍មួយកាលពីថ្ងៃសៅរ៍ម្សិលមិញដោយគំរាមបង្កើតសង្គ្រាមនុយក្លេអ៊ែរប្រឆាំងសហរដ្ឋអាមេរិក បើលោក ដូណាល់ ត្រាំ បើកការវាយប្រហារលើកូរ៉េខាងជើងមែននោះ។

គីម ជុងអ៊ុន, រូបភាពផ្ដល់សិទ្ធិដោយ Reuters

អ្នកនាំពាក្យក្រសួងការបរទេសកូរ៉េខាងជើង បានសរសេរនៅថ្ងៃសៅទី ២២មេសា ថា "កូរ៉េខាងជើងនឹងឆ្លើយតបចំពោះសង្គ្រាមទាំងស្រុងដែលជាសង្គ្រាមនុយក្លេអ៊ែរ ហើយធានាថានឹងទទួលបានជ័យជំនះលើចក្រពត្តិនិយមអាមេរិក។"

សារខាងលើ គឺជាសារគួរឲ្យចាប់អារម្មណ៍មួយក្នុងចំណោមសារទាំង៣ បានថ្លែងកាលពីថ្ងៃសៅរ៍ និងជាការបន្ទរពីក្រោយមន្ត្រីរដ្ឋាភិបាលជាន់ខ្ពស់ម្នាក់ដែលបានមានប្រសាសន៍ក្នុងក្បួនយោធា Day of the Sun នៅទីក្រុងព្យុងយ៉ាង កាលពីដើមខែនេះ។

អ្នកនាំដដែលបានចោទប្រកាន់សហរដ្ឋអាមេរិក និងរដ្ឋបាលរបស់លោកត្រាំ ថាបានធ្វើឲ្យភាពតានតឹងនៅឧបទ្វីបកូរ៉េឡើងកម្ដៅនាប៉ុន្មានខែចុងក្រោយ។ សាររបស់លោកទំនងជាចង់សំដៅផ្ទាល់នៃការមកដល់របស់កងនាវាដឹកយន្តហោះចម្បាំង USS Carl Vinson នៅឧបទ្វីបកូរ៉េ។

គួរបញ្ជាក់ថា ក្នុងថ្ងៃសៅរ៍ជាមួយគ្នា កូរ៉េខាងជើងក៏បានគំរាមសង្គ្រាមនុយក្លេអ៊ែរលើប្រទេសអូស្ត្រាលីដែរ បន្ទាប់ពីអូស្ត្រាលីព្រមឲ្យកងកម្លាំងអាមេរិកមកកាន់ប្រទេសខ្លួន៕