បើមិនទាន់ចេះប្រើ Instagram តោះ! Sabay បង្រៀន

2017-04-25 02:13:22
ចំនួនមតិ 0 | ចំនួនចែករំលែក 0

ចន្លោះមិនឃើញ

Instagram គឺជាកម្មវិធីចែករំលែករូបថតនិងសេវាកម្មដែលអនុញ្ញាតឲ្យអ្នកប្រើប្រាស់អាចចែករំលែករូបថតនិងវីដេអូជាសាធារណៈឬឯកជននៅលើសេវានេះ។ វាត្រូវបានបង្កើតឡើងដោយលោក Kevin Systrom និង Mike Krieger និងបានប្រកាសដាក់ឲ្យប្រើនៅខែតុលាឆ្នាំ 2010 សម្រាប់ប្រព័ន្ធប្រតិបត្តិការ iOS និង Android នៅខែ មេសា ឆ្នាំ 2012។

ខាងក្រោមនេះជារបៀបប្រើប្រាស់ Instagram៖

ទាញយក Instagram ពី App Store សម្រាប់ប្រព័ន្ធប្រតិបត្តិការ iOS ឬ Play Store នៅលើប្រតិបត្តិការ Android បន្ទាប់មកស្វែងរកពាក្យថា "Instagram” បន្ទាប់មកទៀតចុចទាញយក។

បើកកម្មវិធី Instagram

អ្នកអាចចុះឈ្មោះប្រើប្រាស់ដោយប្រើគណនី Facebook ឬចុចលើ Sign up
ត្រង់ចំណុចនេះអ្នកត្រូវបញ្ចូលអ៊ីម៉ែល (Email) ឈ្មោះអ្នកប្រើប្រាស់ (Username) និងលេខកូដសម្ងាត់ (Password)។ អ្នកគួរបញ្ចូលរូបថតមុននឹងបន្តទៅទម្រង់បន្ទាប់។
អ្នកអាចបន្ថែមព័ត៌មានផ្ទាល់ខ្លួននៅក្នុង about រួមបញ្ចូលទាំងនាមត្រកូល និង នាមខ្លួន ឬគេហទំព័ររបស់អ្នក។
ប្រសិនបើអ្នកបានចុះប្រើប្រាស់រួចរាល់ហើយសូមចុចលើ Sign In ដែលនៅខាងក្រោមនៃ Instagram
បន្ទាប់ពីបង្កើតគណនីរួចរាល់ អ្នកនឹងមានជម្រើសដើម្បីជ្រើសរើសនឹងស្វែងរកមិត្តភក្តិពីបណ្ដាញសង្គម Facebook, Twitter ឬក៏ជ្រើសរើសម្ដងមួយ។

ចំណាំ៖ អ្នកត្រូវភ្ជាប់គណនី Instagram ជាមួយ Facebook ឬ Twitter ជាមុនទើបអាចជ្រើសរើសមិត្តភ័ក្ដិរបស់អ្នកពីបណ្ដាញសង្គមទាំងនោះបាន។

ចុចលើប៊ូតុង Follow ដើម្បីភ្ជាប់ទំនាក់ទំនងជាមួយមិត្តរបស់អ្នក
Following មានន័យថាមិត្តរបស់អ្នកអនុញ្ញាតឲ្យអ្នកបានឃើញប្រកាសរបស់ពួកគេនៅក្នុង"ទំព័រដើម"របស់អ្នក។
អ្នកអាចបន្ថែមមិត្តភ័ក្ដិ (add friends) គ្រប់ពេលនៅក្នុងគណនីរបស់អ្នក បន្ទាប់ពីអ្នកបានបង្កើតគណនីរួចរាល់។

ចុចលើ Done ដើម្បីបន្ត
ប៊ូតុង Home ជាកន្លែងដែលអ្នកអាចឃើញមនុស្សដែលអ្នកបាន Follow ផុសនូវអ្វីផ្សេងៗ។

ត្រង់ប៊ូតុង Search អ្នកអាចស្វែងរកគណនីផ្សេងៗនិងអាចវាយពាក្យគន្លឹះនៅរបារ "ស្វែងរក" នៅផ្នែកខាងលើនៃ Instagram។

ប៊ូតុងកាមេរ៉ាដែលជំនួសដោយសញ្ញា (+) ជាកន្លែងដែលអនុញ្ញាតឲ្យអ្នកអាចជ្រើសរើសយករូបថត ឬវីដេអូពី Camera roll និងថតរូបភាពបានភ្លាមៗតែម្ដងដើម្បីបង្ហោះទៅកាន់បណ្ដាញសង្គមរបស់អ្នក។

មើលសកម្មភាពផ្សេងៗលើគណនីរបស់អ្នកដោយគ្រាន់តែចុចលើសញ្ញា(បេះដូង)។ នេះជាកន្លែងជូនដំណឹងនៅក្នុងកម្មវិធីរបស់អ្នកដូចជា(រូបថត មតិ និងសំណើររបស់មិត្តភក្តិ -ល-។

សញ្ញារូបមនុស្ស (Profile) ជាកន្លែងដែលអ្នកអាចបន្ថែមមិត្តភក្តិពី Facebook និងបញ្ជីទំនាក់ទំនងរបស់អ្នកដោយចុចលើសញ្ញា (+) នៅជ្រុងកំពូលខាងឆ្វេងនៃអេក្រង់។
ចុចលើ Edit Profile ដើម្បីផ្លាស់ប្ដូររូបថត ឈ្មោះឬក៏ជីវប្រវត្តិរបស់អ្នកព្រមទាំងគេហទំព័រ និងព័ត៌មានឯកជនរបស់អ្នក។

ដើម្បីឲ្យកាន់តែច្បាស់ទស្សនាវីដេអូខាងក្រោមនេះ៖

https://youtu.be/0Z4AEDyKGdI

អត្ថបទ៖ ប៊ុណ្ណារ៉ា