ក្តៅៗ! ដូណាល់ ត្រាំ បញ្ជាឲ្យពលរដ្ឋអាមេរិក ជាង២សែននាក់ ជម្លៀសចេញពីឧបទ្វីបកូរ៉េ

2017-04-24 02:34:42
ចំនួនមតិ 0 | ចំនួនចែករំលែក 0

ចន្លោះមិនឃើញ

យោងតាមសារព័ត៌មាន Dailystar ដែលបានចេញផ្សាយ នៅថ្ងៃច័ន្ទនេះ បានឲ្យដឹងថា ប្រធានាធិបតីអាមេរិក ដូណាល់ ត្រាំ បានចេញបញ្ជាឲ្យពលរដ្ឋអាមេរិក ទាំងអស់ចំនួន ២៣០ ០០០នាក់ នៅឧបទ្វីបកូរ៉េ ត្រៀមខ្លួនចាកចេញ បន្ទាប់ពីមានការគំរាមកំហែងនុយក្លេអ៊ែរ របស់កូរ៉េខាងជើង។

ប្រធានាធិបតីអាមេរិក ដូណាល់ ត្រាំ និង មេដឹកនាំកូរ៉េខាងជើង គីម ជុងអ៊ុន

គួររំលឹកថា មេដឹកនាំកូរ៉េខាងជើង គីម ជុងអ៊ុន បានគំរាមកំហែងសហរដ្ឋអាមេរិក ជាមួយនឹងសង្គ្រាមដ៏ធំ ចំពោះគម្រោងបញ្ឈប់កម្មវិធីនុយក្លេអ៊ែររបស់ពួកគេ មកលើប្រទេសខ្លួន។ ទោះជាយ៉ាងណា សហរដ្ឋអាមេរិក ក៏ខ្លាចញញើត បានព្រមានឲ្យប្រទេសកុម្មុយនិស្តមួយនេះ បញ្ឈប់កម្មវិធីនុយក្លេអ៊ែររបស់ខ្លួន ដោយបង្ហាញថា «ជម្រើសទាំងអស់មាននៅលើតុហើយ» រួមទាំងសកម្មភាពយោធា ផងដែរ។

យ៉ាងណាមិញ ក្រោយពីទទួលបានការគំរាមកំហែងចុងក្រោយបង្អស់ របស់កូរ៉េខាងជើង កងទ័ពអាមេរិក បានគ្រោងនឹងរៀបចំធ្វើសមយុទ្ធ សម្រាប់ការជម្លៀសពលរដ្ឋអាមេរិកជាបន្ទាន់ ចេញពីឧបទ្វីបកូរ៉េ។

គួរបញ្ជាក់ថា ប្រតិបត្តិការ «Courageous Channel» នឹងរៀបចំសម្រាប់ការជម្លៀសពលរដ្ឋអាមេរិក ប្រហែល ២៣០ ០០០នាក់ឲ្យមានសុវត្ថិភាព ក្នុងករណីការប៉ះទង្គិចគ្នាផ្ទុះឡើយ៕

ប្រភព៖ Dailystar ប្រែសម្រួល៖ សេង ឡុង