លី ឌីណា ចង់ប៉ះគូស្នេហ៍ ពេជ្រ សោភា ម្ដងទៀត
- 2017-04-24 03:15:53
- ចំនួនមតិ 0 | ចំនួនចែករំលែក 0
លី ឌីណា ចង់ប៉ះគូស្នេហ៍ ពេជ្រ សោភា ម្ដងទៀត
ចន្លោះមិនឃើញ
ក្រោយពីបានជួបគ្នាជាមួយគូស្នេហ៍ ពេជ្រ សោភា ក្នុងខ្សែភាពយន្តភាគម្ដងរួចមក លី ឌីណា ចង់ជួបម្ដងទៀតបើសិនជាមានឱកាស។
លី ឌីណា បានប្រាប់ Sabay ថា ឆ្លងកាត់ការសម្ដែងខ្សែភាពយន្តរយៈពេល១ឆ្នាំមកនេះ តួប្រុសដែលនាងពិបាកសម្ដែងជាមួយគឺលោក ឈឹម សក្កដា ត្រង់ឈុតឆាកឈរញ៉ែគ្នា ព្រោះឈុតឆាកមួយនេះត្រូវថតច្រើនលើកទម្រាំតែត្រូវ។ ប៉ុន្តែទោះបីជាលំបាកយ៉ាងនេះក្ដីនាងនៅតែចង់ សម្ដែងជាមួយគូស្នេហ៍ ពេជ្រ សោភា សារជាថ្មីដដែល។
តួឯកស្រីក្នុងរឿង " ឋានសួគ៌វណ្ណៈ" និយាយថា "ខ្ញុំ និងបង សក្កដា អត់មានអ្វីខ្មាសអៀនគ្នាទេបង នៅខាងក្រៅខ្ញុំជាមួយគាត់និយាយគ្នាលេងធម្មតាទេបង តែអត់ដឹងពេលដល់ឆាកញ៉ែគ្នាជាមួយគាត់អ៊ឹមអៀនគ្នាអញ្ចឹងវាពិបាកមែនទែន តែទោះបីជាយ៉ាងណាខ្ញុំចង់សម្ដែងជាមួយគាត់ ព្រោះត្រង់ឈុតភ្នែក និងភ្នែកមើលគ្នាខ្ញុំ និងគាត់ចូលតួល្អ ស៊ីចង្វាក់គ្នាតែម្ដង"។
ខ្សែភាពយន្តភាគរឿង "បញ្ចប់ស្នេហ៍ត្រឹមអូន" ដែល កញ្ញា លី ឌីណា សម្ដែងជាមួយ ឈឹម សក្កដា នេះ មិនទាន់បានជួបឈុតឆាកឱបថើបនៅឡើយទេ។ ព្រោះរឿងមួយនេះទើបតែថតបាន៤០ភាគរយប៉ុណ្ណោះ។ លី ឌីណា ទើបតែចូលប្រឡូកសិល្បៈបាន១ឆ្នាំសោះតែនាងមានឱកាសបានថតខ្សែភាពយន្តភាគជាបន្តបន្ទាប់មានដូចជារឿង "ឋានសួគ៌វណ្ណៈ" “បញ្ចប់ស្នេហ៍ត្រឹមអូន" “ពស់កេងកង" "សម្បត្តិបុរស" “ស្នេហាចាំជាតិ" ជាដើម។