ជួបជាមួយកុមារីភឿក ដែលភ្នាក់ងារម៉ូដែលជាច្រើនប្រជែងចង់បានគ្រប់គ្នា

2017-04-24 03:24:44
ចំនួនមតិ 0 | ចំនួនចែករំលែក 0

ចន្លោះមិនឃើញ

ភាពជោគជ័យរបស់តារាម៉ូដែល មិនមែនសំដៅតែរូបរាង មុខមាត់ និងពណ៌សម្បុរទេ បើគ្មានសមត្ថភាព និងប៉ិនប្រសប់ក៏មិនអាចធ្វើឲ្យការងារនេះអាចរលូនទៅមុខដែរ។

ជាក់ស្ដែងចំពោះ កុមារីម្នាក់ដែលមានពណ៌សម្បុរខុសប្លែកពីមនុស្សធម្មតា បានធ្វើឲ្យមហាជន ជាពិសេសអ្នកជំនាញផ្នែកម៉ូដែលជាច្រើនមានការចាប់អារម្មណ៍ជាខ្លាំង និងតែងប្រាថ្នាចង់បានយកទៅថតម៉ូដឲ្យទៀតផង។

ក្មេងស្រីអាយុត្រឹមតែ ៨ឆ្នាំរូបនេះ មានឈ្មោះ Nariyanaមកពីតំបន់មួយឈ្មោះថា Siberia ដែលស្ថិតនៅអាស៊ីប៉ែកខាងជើង ។ បើតាមអ្នកជំនាញថតរូបម្នាក់ឈ្មោះ Vadim Rufov បាននិយាយថា៖ "ក្នុងគ្រួសាររបស់កុមារីនេះ មានតែនាងទេដែលមានលក្ខណៈសម្បត្តិខុសគេ ទាំងពណ៌សក់ និងសម្បុរ សស្លេក (ភឿក)។ នាងជាមនុស្សម្នាក់ដែលមានលក្ខណៈប្លែកខុសគេច្រើនចំណុចណាស់ ដែលខ្ញុំមិនធ្លាប់ជួបពីមុន"។

បើទោះជាមានរូបរាងខុសគេយ៉ាងណាក្ដី ក៏ Nariyana ត្រូវបានភ្នាក់ងារខាងម៉ូដែលមិនតិចទេ អញ្ជើញទៅថត ប៉ុន្តែម្ដាយរបស់នាងនៅមិនទាន់ចង់ឲ្យកូនស្រីចាប់យកធ្វើជាអាជីពតែម្ដងនោះទេ។ មូលហេតុគឺ អ្នកស្រីចង់ឲ្យ Nariyana ជ្រើសរើសជំនាញអ្វីមួយដោយខ្លួននាង ពេលធំឡើង។ ប៉ុន្តែអ្នកម្ដាយរូបនេះបាននិយាយថា ៖ "នៅពេលសួរនាង ថាចង់ធ្វើអ្វី នាងនិយាយថា ចង់ក្លាយជាតារាម៉ូដែល”៕