បើបានវាយគ្នានៅក្រៅ Vin Diesel ថាអាចដាក់ The Rock ឲ្យដេកបាន
- 2017-04-24 09:37:58
- ចំនួនមតិ 0 | ចំនួនចែករំលែក 0
បើបានវាយគ្នានៅក្រៅ Vin Diesel ថាអាចដាក់ The Rock ឲ្យដេកបាន
ចន្លោះមិនឃើញ
ថ្មីៗនេះទើបនឹងមានព័ត៌មានជាច្រើនដែលទាក់ទងនឹងជម្លោះរបស់ពួកគេទាំង២។ ប៉ុន្តែគេបានបោះបង់ចោលជម្លោះនឹងថតរឿងជាមួយគ្នាបន្តទៅទៀត។
ប៉ុន្តែកាលពីថ្ងៃសៅរ៍នេះតារាសម្ដែងអាយុ ៤៩ ឆ្នាំរូបនេះគិតថាខ្លួនអាច បំបាក់ The Rock អាយុ ៤៤ ឆ្នាំក្នុងការវាយលើរេញពិតប្រាកដ។ ការអះអាងនេះបានលេចឡើងបន្ទាប់ពី កីឡាករ UFC លោក Tyron Woodley បាននិយាយនៅ TMZ Sports ថា Diesel ចង់វ៉ៃជាមួយខ្លួនព្រមទាំងមិនញញើតជាមួយតារាមាឌយក្ស The Rock ទៀតផង។ តារារូបនេះបន្តទៀតថា លោកបានចូលរួមការសម្ពោធរឿង Guardians Of The Galaxy កាលពីថ្ងៃពុធហើយបានជួប Vin នៅទីនោះ។
កីឡាករវ័យ ៣៥ ឆ្នាំនេះបាននិយាយថា៖ "Vin Diesel ស្រែកដាក់ខ្ញុំកាលពីម្សិលមិញ នៅឯពិធីជប់លៀង ពីព្រោះខ្ញុំបាននិយាយថា បើសិនជា Vin នឹងThe Rock វាយគ្នាខ្ញុំថា The Rock ប្រាកដជាឈ្នះ។ ដូច្នេះហើយ Vin ក៏និយាយថាលោកមិនញញើតនឹងវាយជាមួយ The Rock ឡើយ។"
ចៃដន្យអីហេតុការណ៍នេះគឺកើតឡើងបន្ទាប់ពីតារា Fast & Furious ទាំងពីរទើបតែបញ្ចប់ជម្លោះ ហើយព្រមព្រាងគ្នាសម្រាប់ថតរឿងបន្តទៀត។
ចាំមើលតើ The Rock នឹងឆ្លើយតបបែបណាចំពោះព័ត៌មាននេះ? តើយើងនឹងអាចឃើញតារាមាឌធំ ទាំងពីររូបនេះវាយគ្នាលើរេញនៅខាងក្រៅរឿង ដែរឫអត់?
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
