Taylor Swift អបអរ Ed Sheeran ក្រោយជាប់ក្នុងបញ្ជីមនុស្សមានឥទ្ធិពលទាំង១០០

2017-04-24 23:10:00
ចំនួនមតិ 0 | ចំនួនចែករំលែក 0

ចន្លោះមិនឃើញ

Ed Sheeran ទើបតែបានជាប់ក្នុងបញ្ជីរបស់ទស្សនាវដ្ដី Time ជាមនុស្សដែលមានឥទ្ធិពលបំផុតទាំង ១០០។ ដូច្នេះហើយទើបមិត្តសំណព្វរបស់លោកគឺ តារាចម្រៀងកំពូល Taylor Swift បានសរសេរសំណេរមួយដើម្បីអបអរ ក្នុងឱកាសនេះ។

ក្នុងនោះ Taylor បានសរសេររៀបរាប់ដូចនេះថា៖ "កាលពីប៉ុន្មានឆ្នាំមុន ក្នុងពេលមួយដែល Ed មើលទៅដូចជាពិបាកចិត្តនិងប្រឈមមុខនឹងការចុះចាញ់ លោកបានប្រាប់ខ្ញុំថា 'ខ្លួននឹងមិនឈ្នះពាន Grammy ទេមើលទៅ'”។ Taylor បានឆ្លើយតបថា ៖ "ទេ លោកនឹងឈ្នះ លោកនឹងទទួលបានរង្វាន់មិនចេះខ្វះទេ សម្រាប់ប៉ុន្មានឆ្នាំនេះ"។

ក្នុងនោះតារារូបនេះបានបន្តសរសេរទៀតថា៖ "ប្រហែលជាប៉ុន្មានអាទិត្យក្រោយពេលដែលគាត់ (Ed Sheeran) បានជួបខ្ញុំក្នុងហាងលក់ស្បែកជើងរាំនៅទីក្រុងទ្បុង នៅពេលដែលខ្ញុំកំពុងជ្រើសរើសសំលៀកបំពាក់ ដោយបាននិយាយថា 'អ្នកគួរតែស្តាប់បទនេះ'។ វាគឺជាបទចម្រៀងមួយបទដែល Ed ទើបតែថតរួចរាល់គឺបទ 'Thinking Out Loud' ដែលបានឈ្នះពានរង្វាន់បទចម្រៀងប្រចាំឆ្នាំសម្រាប់កម្មវិធីប្រគល់ពានរង្វាន់ Grammy នៅឆ្នាំ២០១៦"។

“Ed គឺបានការពារដោយ អាវក្រោះនៃភាពក្លាហានមួយ ដែលមិនអាចទម្លុះបាន មិនតែប៉ុណ្ណោះវាបានជួយលោកនៅពេលដែល មានរឿងពិបាកចិត្ត ឫបញ្ហាអ្វីៗដែលធ្វើឲ្យលោកមិនអាចសម្រេចគោលដៅបាន។" ក្នុងនោះ Taylor បានបន្តទៀតថា៖ "ការឆ្លើយតបនឹងភាពបរាជ័យរបស់ Ed គឺតែងតែច្បាស់លាស់ Ed គឺប្រៀបបាននឹងអ្នកចម្បាំងម្នាក់ដែលក្រោកឡើងជានិច្ចរាល់ពេលដែល បានត្រូវគេវាយឲ្យដួល"។

អ្វីដែលគួរឲ្យផ្អែមល្ហែមបំផុតនោះគឺ Ed Sheeran ក៏មានអារម្មណ៍បែបនេះសម្រាប់ Taylor ដែរ។ ក្នុងកិច្ចសម្ភាសន៍ថ្មីនេះរបស់លោកជាមួយនឹង Rolling Stone តារាចម្រៀង "Thinking Out Loud” រូបនេះបាននិយាយពី Taylor ថា៖ "នាងនឹងនៅជាមួយខ្ញុំ ទោះបីជាខ្ញុំបាត់បង់អ្វីគ្រប់យ៉ាងក៏ដោយ"៕

ប្រភព៖ etonline ប្រែសម្រួល៖ ធារ៉ូ